← Back to list

வெள்ளத்திற்கு துரித உதவி !

Mar 26, 2025

வெள்ளத்திற்குப் பிந்தைய உதவிகள் துரிதமுடன் மேற்கொள்ளப்பட வேண்டும்.  

சமந்தப்பட்ட எல்லா தரப்பினருக்கும் அவ்வாறு உத்தரவிட்டுள்ளார் பிரதமர் டத்தோ ஶ்ரீ அன்வார் இப்ராஹிம்.  

விரைவில் நோன்புப் பெருநாள் கொண்டாடப்படவிருக்கும் நிலையில், குறிப்பாக வெள்ளத்தில் பாதிக்கப்பட்டக் குடியிருப்புகளில், துப்புரவு பணிகள் விரைந்து மேற்கொள்ளப்பட வேண்டும் என அவர் சொன்னார்.  

அதற்கு அரசுசார் நிறுவனங்கள் மட்டுமின்றி தனியார் நிறுவனங்கள், அரசுசார் இயக்கங்களின் ஒத்துழைப்பும் அவசியம் என பிரதமர் தெரிவித்துள்ளார்.  

இவ்வேளையில், பாதிக்கப்பட்ட மாநிலங்களில் வெள்ளம் வற்ற தொடங்கியிருந்தாலும் எத்தகைய சூழலையும் எதிர்கொள்ள அமலாக்க தரப்பினர் தயார் நிலையில் இருக்குமாறும் பிரதமர் வலியுறுத்தினார்.  

------- 

இதனிடையே ஆகக் கடைசி தகவல்படி, ஜொகூரில்் வெள்ளத்தால் பாதிக்கப்பட்டவர்களின் எண்ணிக்கை 909 ஆக குறைந்துள்ளது.  

சபாவில் 400க்கும் மேற்பட்டோர் வெள்ள நிவாரண மையங்களில் தங்கியுள்ளனர்.  

-------- 

நோன்புப் பெருநாளை கொண்டாடுபவர்கள் தேவையற்ற கடன் சுமைகளைத் தவிர்க்க, செலவிடுவதில் கவனமுடன் இருக்குமாறு அறிவுறுத்தப்படுகின்றனர்.  

சமூக ஊடகங்கங்களில் பிறரைப் பார்த்து, ஈர்க்கப்பட்டு தேவையற்ற செலவுகள் செய்வதை மக்கள் நிறுத்த வேண்டும் என கூறியுள்ளார் Muamalat வங்கியின் தலைமைப் பொருளாதார நிபுணர் Dr Mohd Afzanizam Abdul Rashid.  

விடுமுறை செலவுகள் பின் நமக்கு சுமையாகாமல் இருப்பதை உறுதிச் செய்ய மக்கள் தங்கள் வருவாய்க்கு ஏற்ப செலவு செய்வது அவசியம் என அவர் வலியுறுத்தினார். 

---------- 

வெளிநாடு செல்ல விரும்பும் மலேசியர்களுக்கு எந்த ஒரு புதிய Visa கட்டுப்பாடும் அறிவிக்கப்படவில்லை. 

மலேசியர்களுக்கு 8 நாடுகள் புதிய Visa கட்டுப்பாட்டினை அறிவித்திருப்பதாக சமூக ஊட்கங்களில் பரவி வரும் காணொளி உண்மையில்லை என தெளிவுப்படுத்தியுள்ளது வெளியுறவு அமைச்சு.  

அக்காணொளி தொடர்பில் காவல் துறையிடம் புகார் அளிக்கப்பட்டிருக்கும் நிலையில் அவ்விவகாரம் தொடர்பு பல்லூடக ஆணையத்தின் கவனத்திற்கும் எடுத்து செல்லப்பட்டுள்ளதாக அது கூறியது.  

--------- 

நாடு முழுவதும் இம்மாதம் 17-ஆம் தேதி முதல் 8 நாட்களில், நோன்புப் பெருநாளை முன்னிட்டு 723 Rahmah மடானி விற்பனைத் திட்டங்கள் நடத்தப்பட்டுள்ளன.  

அந்த விற்பனைத் திட்ட்ங்களில் வாயிலாக பொதுமக்கள் சந்தை விலையைக் காட்டிலும் 10 முதல் 30 விழுக்காடு வரை கழிவு விலையில் அத்தியாவசிய பொருட்களை வாங்க முடிந்தது.  

அவ்வாறு உள்நாட்டு வாணிக வாழ்க்கைச் செலவீன அமைச்சு தெரிவித்துள்ளது.  

--------