← Back to list

மலேசியா - இந்தியா உறவு !

Jan 08, 2025

மலேசியா - இந்தியா இடையில் நிலவும் நீண்ட கால உறவு எதிர்காலத்திலும் தொடர்ந்து வலுவடையுமென, இலக்கவியல் அமைச்சர் கோபின் சிங் டியோ நம்பிக்கைத் தெரிவித்துள்ளார். 

கலாச்சாரம் உள்ளிட்ட பல்வேறு துறைகளில் காணப்படும் அவ்வொத்துழைப்பு, இனி நவீன தொழில்நுட்ப ரீதியிலும் வலுவடையுமென அவர் சொன்னார். 

இந்திய வம்சாவளியினரை ஒன்றிணைக்கும் பிரவாசி பாரதிய டிவாஸ் மாநாடு அதற்கு அடித்தளமாக இருக்குமென, தற்போது இந்தியாவிலிருக்கும் அவர் கூறினார்.

ஒடிஷா மாநிலத்தின் தலைநகரமான புபனேஸ்வரில் இன்று தொடங்கி 3 நாட்களுக்கு அம்மாநாடு நடைபெறுகிறது.

இந்தியப் பிரதமர் நரேந்திர மோடி நாளை அதனை அதிகாரப்பூர்வமாகத் தொடக்கி வைக்கிறார். 

-------- 

சபாவில் நன்கு அறியப்பட்ட ஒரு ரிசார்ட்டுக்கு வழங்கப்பட்ட உரிமத்தைச், சுற்றுலா, கலை மற்றும் கலாச்சார அமைச்சு ரத்து செய்துள்ளது ! 

கடந்த  2020-ஆம் ஆண்டு அது, Scuba Diving  விளையாட்டுக்கு முன்பதிவு செய்த வெளிநாட்டு சுற்றுலாப் பயணிகள் உட்பட, 100-க்கும் மேற்பட்ட நபர்களுக்கு வைப்புத்தொகையைத் திருப்பித் தரத் தவறியதை அடுத்து அந்நடவடிக்கை எடுக்கப்பட்டது. 

மலேசியர்களின் நலன்களைப் பாதுகாப்பதற்காக, உரிமம் பெற்ற நடத்துனர்கள், சட்டத்தை மீறுவதை அவ்வமைச்சு தீவிரமாக எடுத்துக்கொள்வதாக தெரிவிக்கப்பட்டுள்ளது. 

--------- 

எதிர்வரும் பள்ளித் தவணையில், பள்ளிப் பேருந்து கட்டணம் அதிகரிக்கலாம் என மலேசிய பள்ளி பேருந்து நடத்துநர்கள் சங்கம் கணித்துள்ளதாக Utusan Malaysia தெரிவித்துள்ளது. 

பள்ளி பேருந்து கட்டண உயர்வு ஒரு மாணவருக்கு, 5 ரிங்கிட் முதல்  10 ரிங்கிட் வரை அதிகரிக்கப்படலாம். 

அம்முடிவு, முற்றிலும் பேருந்துகளை நடத்துநருக்கும், பெற்றோருக்கும் இடையிலான பேச்சுவார்த்தைகளை அடிப்படையாகக் கொண்டது. 

--------  

மலாக்கா Alor Gajah-வில், எட்டு வாகனங்களை மோதி தள்ளிய பேருந்து ஓட்டுநர், பலத்த காயங்களுக்கு இலக்காகியுள்ளார். 

அவ்விபத்தில் சிக்கிய மற்றவர்கள், சொர்ப காயங்களுடன் உயிர் தப்பினர். 

------ 

இதனிடையே, நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்ட வேளை, 10 மரணங்கள் பதிவானதாக காவல்துறை தெரிவித்துள்ளது.