← Back to list
பெரிய திட்டங்கள் ஒத்திவைக்கப்படும் !
Jan 07, 2025

கோலாலம்பூர்-சிங்கப்பூர் அதிவேக ரயில் HSR திட்டத்தை புதுப்பிக்கும் நடவடிக்கையை, அரசாங்கம் தற்போது ஒத்திவைப்பதாக, பிரதமர் Datuk Seri Anwar Ibrahim தெரிவித்துள்ளார்.
அரசாங்கத்துக்கு சுமையில்லாமல் தனியார் துறையின் முழு முதலீட்டைப் பொறுத்தே அந்தத் திட்டம் தொடரும் என அவர் கூறினார்.
அரசாங்கம் தற்போது நிதிசுமையை எதிர்க்கொள்கிறது.
வெள்ளத் தடுப்பு மற்றும் அடிப்படைக் கட்டமைப்புகள் போன்ற மக்களை உள்ளடக்கிய பிரச்சனைகளுக்கு, அரசாங்கம் தற்போது கவனம் செலுத்துவதால், நிதி பயன்பாடுக்கு வரம்பு உள்ளது என்றாரவர்.
எனவே, சில நிலுவையில் உள்ள சிக்கல்களைத் தீர்ப்பது அவசியம் என்பதால் அரசாங்கத்தின் பெரிய பெரிய திட்டங்கள் ஒத்திவைக்கப்படுவதாக அவர் மேலும் சொன்னார்.
-----------
பேராக், Setiawan அருகே அமைந்துள்ள Ayer Tawar தோட்டத் தமிழ்ப்பள்ளி, தீ விபத்தில் அழிந்ததைத் தொடர்ந்து, புதிய கட்டிடத்திற்கான CFO சான்றிதழை பெறும் நடவடிக்கையை பேராக் அரசாங்கம் விரைவுபடுத்தும்.
அதுவரை, வீட்டிலிருந்து கற்றல் கற்பித்தல் முறை மேற்கொள்ளப்படும் என மாநில அரசு ஆட்சிக்குழு உறுப்பினர் தெரிவித்துள்ளார்.
---------
பினாங்கு Perai-யில் தனது உறவுக்கார மாதுவை கத்தியால் குத்தியதாக, 14 வயது பெண் மீது நீதிமன்றத்தில் குற்றச்சாட்டு கொண்டு வரப்பட்டுள்ளது.
அதனை அப்பெண் மறுத்தார்.
-----------
உலக நாடுகளில் உள்ள இந்திய வம்சாவளியினரை ஒன்றிணைக்கும், பிரவாசி பாரதிய திவாஸ் மாநாடு, 18-ஆவது ஆண்டாக நாளை தொடங்கி பத்தாம் தேதி வரை இந்தியா ஒடிஷாவில் நடைபெறுகிறது.
அந்த மாநாட்டை இந்திய பிரதமர் நரேந்திர மோடி, அதிகாரப்பூர்வமாக தொடக்கி வைப்பார்.
சுமார் ஐயாயிரம் வெளிநாடு வாழ் இந்திய வம்சாவளியினர், அம்மாநாட்டில் பங்கேற்பர் என எதிர்பார்க்கப்படுகிறது.
அந்த வகையில், நம் நாட்டின் இலக்கவியல் அமைச்சர் Gobind Singh Deo அம்மாநாட்டில் பங்கேற்கிறார்.
Find out what's happening locally and abroad as well as what's trending, and don't miss out on the results of your favourite sport!
Make sure you tune in to PETRONAS News Update on THR Raaga at these times:
Weekdays
7am, 7.30am, 8am, 8.30am, 9am, 10am, 11am, 12pm, 1pm, 2pm, 3pm, 4pm, 5pm, 6pm, 7pm
Weekend
8am, 9am, 10am, 11am, 12pm
Weather