← Back to list

வெற்றிப் பெற்ற நஜிப் !

Jan 06, 2025

தன்னை வீட்டுக் காவலில் வைக்கும் அனுமதி தொடர்பான சர்ச்சையை நீதிமன்றம் விசாரிக்க வேண்டுமென்ற கோரிக்கையில், டத்தோ ஸ்ரீ நஜீப் ரசாக் வெற்றிப் பெற்றுள்ளார்.  

SRC வழக்கில் தனது எஞ்சிய சிறைக்காலத்தை வீட்டுக் காவலில் கழிக்க முன்னாள் பேரரசர் கூடுதல் உத்தரவு பிறப்பித்திருப்பதாகவும், அதனை அமுல்படுத்த அரசாங்கத்தை நீதிமன்றம் கட்டாயப்படுத்த வேண்டுமென்றும் நஜீப் வழக்குத் தொடுத்திருந்தார்.  

அதனை உச்ச நீதிமன்றம் தள்ளுபடி செய்த நிலையில், அதனை எதிர்த்து நஜீப் செய்த மேல்முறையீட்டை, புத்ராஜெயா மேல்முறையீட்டு நீதிமன்றம் இன்று ஏற்றுக் கொண்டது.  

42 மில்லியன் ஊழல் வழக்கில் அந்த முன்னாள் பிரதமர் தற்போது சிறைவாசம் அனுபவத்து வருகிறார்.

மேல்முறையீட்டு நீதிமன்றத்தின் அம்முடிவால், அந்த முன்னாள் பிரதமர் நிம்மதி அடைந்துள்ளதாக, அவரின் வழக்கறிஞர் Tan Sri Shafee Abdullah தெரிவித்துள்ளார். 

அவ்வழக்கு மீண்டும் உயர் நீதிமன்றத்திற்கே திரும்பி, அங்கு விசாரிக்கப்படவுள்ளது.  

இதனிடையே, நஜிப்பை வீட்டுக் காவலில் வைப்பது தொடர்பில், தமதமைச்சுக்கு, எந்த உத்தரவும் வரவில்லை என உள்துறை அமைச்சர் Saifuddin Nasution Ismail தெரிவித்துள்ளார். 

சிறை தண்டனைக் காலத்தைக் குறைத்து அபராதத் தொகையைக் குறைப்பதற்கான உத்தரவை மட்டுமே தமதமைச்சு பெற்றதாக அவர் சொன்னார்.

மற்றொரு நிலவரத்தில், புத்ராஜெயாவில் இன்றைய நஜிப்-ஆதரவு பேரணி மீது சாத்தியமான எந்த நடவடிக்கையும் எடுப்பதை, அதிகாரிகளிடம் விட்டுவிடுவதாக கூட்டரசு தெரிவித்துள்ளது. 

அனுமதி கோரிய ஏற்பாட்டாளர்களின் விண்ணப்பத்தை காவல்துறை நிராகரித்த போதிலும் பேரணி நடத்தப்பட்டது.   

அப்பேரணியில் சுமார் 1,200 பேர் கலந்து கொண்டதாகவும், அசம்பாவிதங்கள் ஏதும் நிகழவில்லை எனவும் அத்துறை கூறியது.