← Back to list

3,263 இந்திய பெண்கள் பயன் !

Dec 05, 2024

கடந்த நவம்பர் மாதம் வரை 3,263 இந்திய பெண்கள், Amanah Ikhtiar-ரின் பெண் திட்டத்தின் வாயிலாக பயனடைந்துள்ளனர். 

தொழில் முனைவோர் மேம்பாடு கூட்டுறவு துணையமைச்சர் Datuk Seri R. Ramanan மக்களவையில் இதனை தெரிவித்தார். 

இந்திய வர்த்தகர்களின் மேம்பாட்டிற்காக அமைச்சின் கீழ் பல திட்டங்கள் அறிமுகப்படுத்தப்பட்டன.

இத்திட்டங்களின் வாயிலாக இந்திய பெண்களும் பயன் பெற்று வந்துள்ளதாக அவர் கூறினார். 

குறிப்பாக அமானா இக்தியாரின் பெண் திட்டத்தின் கீழ், அந்த 3,200-க்கும் மேற்பட்ட பெண்களுக்காக, கிட்டத்தட்ட 30.34 மில்லியன் ரிங்கிட் கடனாக வழங்கப்பட்டுள்ளது என்றாரவர்.

---------- 

தங்களது நிறுவனங்களில் நெகிழ்வான பணி ஏற்பாடுகளை அனுமதிக்கும்படி, கூடுதலான முதலாளிகளை மனிதவள அமைச்சு கேட்டுக்கொண்டுள்ளது. 

ஏறக்குறைய 3,000 நிறுவனங்கள் மற்றும் 5 லட்சத்து 65-ஆயிரத்துக்கும் மேற்பட்ட பணியாளர்கள், நெகிழ்வான பணி ஏற்பாடுகளை செயல்படுத்த விருப்பம் தெரிவித்துள்ளதாக, அதன் அமைச்சர் Steven Sim தெரிவித்தார். 

ஊழியர்களிடையே, மனநலம் போன்ற பிரச்சினைகளைக் குறைக்க அரசாங்கம் உகந்த பணிச்சூழலை உருவாக்க விரும்புவதாக அவர் கூறினார்.

---------- 

Negeri Sembilan-னில் உள்ள அரசு மருத்துவமனையொன்றில், சடலங்களை நிர்வகிப்பதற்கு கையூட்டு வாங்கியதாக தடயவியல் துறையின் 5 ஊழியர்கள் மீது குற்றம் சாட்டப்பட்டது. 

அவ்வைவரும் தங்கள் மீதான குற்றச்சாட்டை மறுத்து விசாரணை கோரினர்.

------------ 

நாடு முழுவதும் நேற்று மட்டும், 1,700-க்கும் மேற்பட்ட சாலை விபத்துகள் பதிவு செய்யப்பட்ட வேளை, 11 மரணங்கள் பதிவானதாக காவல்துறை தெரிவித்துள்ளது.

----------- 

நாட்டில் தற்போது வெள்ளத்தால் பாதிக்கப்பட்டவர்களின் என்ணிக்கை, முப்பதாயிரமாக குறைந்துள்ளது.

பெர்லிஸ், பேராக், கெடா, கிளாந்தான், தெரெங்கானுவில், வரும் எட்டாம் தேதி தொடங்கி 11-ஆம் தேதி வரையும், பஹாங் மற்றும் ஜொகூரில், 9-ஆம் தேதி தொடங்கி, அதே 11-ஆம் தேதி வரையும், தொடர் மழை பெய்யலாம் என மெட் மலேசியா கணித்துள்ளது.

------------ 

Astro Radio has launched a donation drive, called Kami Care Misi Banjir, to help flood victims. You can give daily necessities like diapers, toiletries and dry foods, as well as monetary donations at Lotus Cheras Covered Car Park this Saturday! 

வெள்ளத்தால் பாதிக்கப்பட்டவர்களுக்கு உதவும் நோக்கில், Astro Radio Kami Care வெள்ள நிவாரண நன்கொடை திட்டம் ஒன்றை அறிமுகப்படுத்தியுள்ளது.

நீங்களும் உதவ நினைத்தால், வரும் சனிக்கிழமை Cheras Lotus கார் நிருத்துமிடத்திற்கு வந்து உளர்ந்த உணவுகள், குழந்தைகளுக்கான diapers, குளியலறை உபகரணங்கள் மாதிரியான அத்யாவசிய பொருட்களை வழங்கலாம்.