← Back to list

மோசமாகியிருக்கும் வெள்ளம் !

Nov 28, 2024

நாட்டில் வெள்ள நிலைமை மோசமாகி வருகிறது ! 

ஆகக் கடைசி நிலவரப்படி, அப்பேரிடரால் ஐம்பத்து ஐந்தாயிரத்துக்கும் மேற்பட்டோர் பாதிக்கப்பட்டுள்ளனர். 

ஆக அதிகமாக, கிளாந்தானில் பாதிக்கப்பட்டவர்களின் எண்ணிக்கை, 45-ஆயிரத்தைக் கடந்துள்ளது. 

அடுத்ததாக, தெரெங்கானுவில் ஒன்பதாயிரத்தை நெருங்கியுள்ளது. 

கெடாவில் தொள்ளாயிரத்துக்கும் மேற்பட்டோர் பாதிக்கப்பட்டிருன்கின்ற நிலையில், பெர்லிசில் 291 பேரும், ஜொகூரில் 28 பேரும், பேராக்கில் 20 பேரும், PPS மையங்களில் தங்க வைக்கப்பட்டுள்ளனர். 

--------- 

இதனிடையே, இந்த வெள்ளப் பேரிடர், குறிப்பாக கிழக்குக்கரை மாநிலங்களில், 2014-ஆம் ஆண்டில் ஏற்பட்டதை விட மோசமாக இருக்கும் என அரசாங்கம் கணித்துள்ளது. 

மலேசிய வானிலை ஆய்வு மையம் வெளியிட்டுள்ள முன்னறிவிப்பின் அடிப்படையில், துணைப் பிரதமர் Datuk Seri Ahmad Zahid Hamidi அவ்வாறு கூறினார். 

--------- 

இவ்வேளையில், அதிகமாக வெள்ளத்தால் அவதியுறும் கிளாந்தான், தெரெங்கானு மற்றும் பஹாங்குக்கு, உதவி நடவடிக்கைகளுக்காக செல்ல, பேராக் தீயணைப்பு மீட்புக் குழு தயாராக உள்ளது !  

Bagan Serai, Kuala Kangsar, Tapah-வைச் சேர்ந்த மூன்று குழுக்கள், அம்மாநிலங்களுக்குச் செல்ல தயாராக இருப்பதாக, அத்துறையின் இயக்குநர் தெரிவித்தார்.  

-------- 

நாடு முழுவதும் ஆகஸ்டு வரை, மொத்தம் 2,240 பிள்ளைகள் கொடுமைப்படுத்தப்பட்ட சம்பவங்கள்,  சமூக நல்வாழ்வுத்துறை மூலம் பதிவு செய்யப்பட்டுள்ளதாக, மகளிர், குடும்ப, சமூக மேம்பாட்டுத் துறை அமைச்சர் Datuk Seri Nancy Shukri, அதனை தெரிவித்துள்ளார். 

-------- 

நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்ட வேளை, 11 மரணங்கள் பதிவானதாக காவல்துறை தெரிவித்துள்ளது. 

----------- 

Astro-வின் பங்குதாரரான ஆனந்த கிருஷ்ணன் தத்பரானந்தம், தனது  86-ஆவது வயதில் இன்று காலமானார். 

அவரின் குடும்ப உறுப்பினர்களுக்கு, Astro தனது ஆழ்ந்த அனுதாபங்களைத் தெரிவித்துக் கொண்டுள்ளது.