← Back to list

மீண்டும் GST-யா !

Aug 29, 2024

அரசாங்கம், RON95 பெட்ரோலுக்கான மானியங்களைக் குறைப்பதற்குப் பதிலாக, மீண்டும் GST-யை கொண்டு வரவுள்ளதாக வெளிவந்துள்ள தகவல்களை, தொடர்புத்துறை அமைச்சர் திட்டவட்டமாக மறுத்துள்ளார்.  

அண்மையில் நடைபெற்ற கூட்டமொன்றில், அவ்வாறான சாத்தியம் குறித்து அரசாங்கம் கலந்துரையாடியதாக, முன்னதாக தகவல்கள் வெளிவந்தன.  

GST முதன்முதலில், மலேசியாவில் 2015-ஆம் ஆண்டு, 6 சதவீத விகிதத்தில் அமல்படுத்தப்பட்டது. 

பின்னர் 2018-ஆம் ஆண்டு தொடங்கி அது, SST-யாக மாற்றப்பட்டது குறிப்பிடத்தக்கது. 

---------- 

தாங்கள் வாழும் பகுதிகளில், மக்கள் வாங்கும் சக்திக்குட்பட்ட வீடமைப்புத் திட்டங்கள் வரும் போது, சில தரப்புகள் அதற்கு எதிர்ப்புத் தெரிவிப்பதை பிரதமர் சாடியுள்ளார். 

பெரும்பான்மையினரின் தேவைகளுக்கு முன்னுரிமை அளிக்க வேண்டும் என்பதால், அத்திட்டங்களுக்கு குறுக்கே நிற்பவர்களின் ஆட்சேபங்களுக்கு,அரசாங்கம் செவி சாய்க்காது என Datuk Seri Anwar Ibrahim தெரிவித்தார். 

உண்மையில், மக்கள் வாங்கும் சக்திக்குட்பட்ட வீடமைப்புத் திட்டங்கள், அதிகரித்து வரும் தேவைகளைப் பூர்த்திச் செய்ய விரைவுபடுத்தப்பட வேண்டும் என பிரதமர் சொன்னார். 

--------- 

பயணிகளின் விமானங்கள் 5 மணி நேரத்திற்கும் மேலாக தாமதமானால், விமான நிறுவனங்கள், பயணிகளுக்கு பணத்தைத் திருப்பித் தரும் அரசாங்கத்தின் முயற்சியை, FOMCA பாராட்டியுள்ளது.    

ஏனெனில், அந்நிறுவனங்கள் குறுகிய நாட்களுக்குள் சம்பந்தப்பட்ட பயணிகளின் பணத்தை திருப்பிக் கொடுப்பதை உறுதிப்படுத்த, காலக்கெடுவும் நிர்ணயிக்கப்பட வேண்டும் என அது சொன்னது. 

---------  

தலைநகர் Masjid India-வை தற்போதைக்கு, பேரிடர் பகுதியாக அறிவிக்கும் திட்டம் எதுவும் இல்லை என அரச மலேசிய காவல்படை தலைவர் தெரிவித்துள்ளார். 

அத்தகைய அறிவிப்பை வெளியிடுவதற்கு முன்பு, தேசிய பாதுகாப்பு மன்றத்தின்,சிறப்பு அனுமதியை பெற்றாக வேண்டும் என அவர் சொன்னார். 

-------- 

நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்ட வேளை, 10 மரணங்கள் பதிவானதாக, காவல்துறை தெரிவித்துள்ளது.