← Back to list

விஜயலட்சுமிக்கு வந்த சோதனை !

Aug 27, 2024

கடந்த வெள்ளிக்கிழமையன்று  கோலாலம்பூர், ஜாலான் மஸ்ஜித் இந்தியாவில் ஏற்பட்ட நில அமிழ்வில் சிக்குவதிலிருந்து தப்பியுள்ளார், அங்கு வழக்கமாக படுத்துறங்கி வந்த இந்திய பிரஜை ஒருவர். 

சம்பவத்தன்று  நடந்ததை ராகா செய்திப் பிரிவிடம் பகிர்ந்துகொண்டார் கமது ரஃபிக்.

இவ்வேளையில், நில அமிழ்வில் சிக்கிக் காணாமல் போயிருக்கும் இந்திய பிரஜையைத் தேடும் பணிகள், அங்கு முழு வீச்சில் மேற்கொள்ளப்பட்டு வருவதையும் தாம் கண்டு வருவதாக அவர் சொன்னார். 

காணாமல் போயுள்ள 48 வயது விஜயலட்சுமியைத் தேடிக் கண்டு பிடிக்கும் பணிகள், இன்று ஐந்தாவது நாளாகத் தொடருகின்றன. 

--------- 

இதனிடையே, விஜயலட்சுமியைத் தேடும் பணி பந்தாய் டாலாம் கழிவு நீர் சுத்திகரிப்பு மையத்திலும், முழு வீச்சில் நடைபெற்று வருகிறது. 

ஜாலான் மஸ்ஜித் இந்தியாவில் விஜயலட்சுமி கழிவு நீர் குழாய்களில் விழுந்திருக்கலாமென நம்பப்படுகிறது. 

அக்குழாயின் அனைத்துக் கழிவுகளும் கடைசியாக பந்தாய் டாலாம் கழிவு நீர் மையத்திற்கு தான் வந்து சேரும் என்பதால், அதனடிப்படையில் அங்கும் தேடல் பணி தொடருகிறது.

விரைவிலேயே விஜயலட்சுமியின் நிலை கண்டறியப்படுமென, லெம்பா பந்தாய் நாடாளுமன்ற உறுப்பினர் Fahmi Fadzil சொன்னார். 

தேசிய தினக் கொண்டாட்டமாக இருந்தாலும் கூட, அவர் கிடைக்கும் வரை தேடி மீட்கும் பணிகள் தொடரும் என்றார் அவர். 

----------

Bersatu கட்சித் தலைவர், Tan Sri Muhyiddin Yassin மீது குற்றஞ்சாட்டப்பட்டுள்ளது!    

அவர், கிளந்தான், நெங்கிரி இடைதேர்தல் பிரச்சாரத்தில் மூன்று R, அதாவது இனம், மதம், ஆட்சியாளர்கள் குறித்துப் பேசியதற்காக அக்குற்றச்சாட்டை எதிர்நோக்கியுள்ளார். 

முன்னாள் பிரதமருமான அவர், தம்மீது சுமத்தப்பட்ட தேச நிந்தனை குற்றச்சாட்டை மறுத்து விசாரணைக் கோரினார்.   

-------- 

Selangor Selayang-கில், 8 வயது மகளை கொலை செய்ததாக, தாய் மீதும் மாற்றான் தந்தை மீதும் குற்றஞ்சாட்டப்பட்டுள்ளது. 

குற்றம் நிரூபிக்கப்பட்டால், அவ்விருவருக்கும் மரண தண்டனை அல்லது பிரம்படியுடன் கூடிய 40 ஆண்டுகள் வரை சிறைத்தண்டனை விதிக்கப்படலாம்.