← Back to list

3R விவகாரம் !

Aug 20, 2024

Bersatu கட்சித் தலைவர் Tan Sri Muhyiddin Yassin-னிடமிருந்து வாக்குமூலம் பதிவு செய்யப்படுவது, நாளை ஒத்திவைக்கப்பட்டுள்ளது.  

3R எனப்படும் இனம் மதம் அரச முறை குறித்து பேசியதன் தொடர்பில், அவர் இன்று விசாரணைக்கு அழைக்கப்படுவார் என முன்னதாக அரச மலேசிய காவல்படைத் தலைவர் கூறியிருந்தார்.  

3R விவகாரம் தொட்டு அவர் பேசியிருப்பதன் தொடர்பில், காவல்துறை இதுவரை கிட்டத்தட்ட முப்பது புகார்களைப் பெற்றுள்ளதாக IGP தெரிவித்தார்.  

கிளாந்தான் இடைத்தேர்தல் பிரச்சாரத்தில், அவர் 3R தொட்டுப் பேசியதாக நம்பப்படுகிறது.  

--------   

வேலை நிமித்தமாக இந்தியாவிற்கு பயணம் சென்றுள்ள பிரதமர் Datuk Seri Anwar Ibrahim, அந்நாட்டின் பிரதமர் மோடியைச் சந்தித்து பேசுகிறார். 

அதன் போது, ஆட்பலம், சுற்றுலா, சுகாதாரம், ஆயுர்வேதம் உள்ளிட்ட துறைகளை உள்ளடக்கி 7 முக்கிய புரிந்துணர்வு ஒப்பந்தங்கள் கையெழுத்தாகவுள்ளன.

--------   

மலாக்கா Alor Gajah-வில் படுகொலை செய்யப்பட்ட ஓர் ஆசிரியையின் பிள்ளைகளுக்கு, கல்வி அமைச்சு தொடர்ந்து உளவியல் ஆதரவை வழங்கும். 

அவர் கடந்தாண்டு இறுதியில் கொல்லப்பட்ட வேளை, அச்சம்பவம் தொடர்பில் ஒரு முக்கிய சந்தேக நபர் மீது கொலை குற்றச்சாட்டு சுமத்தப்பட்டது. 

-----------   

ஜொகூரில், வயதான தனது பெற்றோரையும் உறவுக்கார சிறுமியையும் கொன்றதாக Muar Majistret நீதிமன்றத்தில், 48 வயது வேலையில்லா ஆடவர் மீது குற்றஞ்சாட்டப்பட்டுள்ளது. 

அம்மூவரையும் கொன்ற அவர், பின்னர் வீட்டையே தீயிட்டுக் கொளுத்தினார்.  

----------   

பேராக் தைப்பிங்கில், காரொன்று விபத்துக்குள்ளனதில், பெண் ஒருவர் பரிதாபமாக உயிரிழந்தார். 

--------   

இதனிடையே, நாடு முழுவதும் நேற்று மட்டும் 1,800-க்கும் மேற்பட்ட சாலை விபத்துகள் பதிவு செய்யப்பட்ட வேளை, 14 மரணங்கள் பதிவாகின.