← Back to list

சம்பள உயர்வு; அதிகமானோருக்கு பலன்!

Aug 17, 2024

பிரதமர் அறிவித்த சம்பள மறுசீரமைப்பு மூலம், ஏறக்குறைய 5 லட்சம் ஆசிரியர்கள் மற்றும் கல்வி அமைச்சின் ஊழியர்கள், பயனடைவார்கள் என கல்வி அமைச்சு எதிர்ப்பார்க்கிறது.

அவ்வுயர்வைத் தொடர்ந்து, ஒவ்வொரு மட்டத்திலும் அவர்கள் தங்களின் தரத்தை மேம்படுத்திக்கொள்வதை உறுதிச் செய்துக் கொள்வர் என அமைச்சு கூறியது. 

பொது சேவைகளில் சேருவதற்கு, இனி SPM குகுறைந்தபட்சத் தேவை என்ற அறிவிப்பு, மாணவர்களை உயர்நிலைப் பள்ளியில் பட்டம் பெற ஊக்குவிக்கும் என அது சொன்னது.. 

---------

அண்மைய காலமாக விமான தாமதம் ஏற்படுவது, ரத்து செய்யப்படுவது போன்ற சம்பவங்கள் அதிகரித்திருப்பதற்கு, மலேசிய விமான போக்குவரத்து குழு, வாடிக்கையாளர்களிடம் மன்னிப்பு கேட்டுக் கொண்டுள்ளது. 

வானிலை, தொழில்நுட்ப கோளாறுகள், மனிதவளம் பிரச்சனைகள் உள்ளிட்டவையே அதற்கான காரணம் என அது கூறியது. 

முன்னதாக சுபாங் மற்றும் KLIA அனைத்துலக விமான நிலையத்தில் விமானங்கள் தாமதமாக வந்ததாக செய்திகள் வெளிவந்தன. 

--------- 

மலேசிய தொடர்பு பல்லூடக ஆணையம், எந்த அறிவிப்புகளையும் மின்னஞ்சல் அல்லது தனது அதிகாரப்பூர்வ சமூக ஊடக தளம் வாயிலாக மட்டுமே அனுப்பும்!

தனிப்பட்ட தொலைப்பேசி எண்களைப் பயன்படுத்தி தகவல்களை அனுப்பாது எனக் கூறிய அவ்வாணையம், அவ்வாறான அழைப்புகளைப் பெறும் பொதுமக்கள் கவனமுடன் இருக்கும்படி கேடுக்கொண்டுள்ளது. 

----------   

நாட்டின் பிரச்சனைகள் குறித்து குரல் கொடுக்க, இளைய தலைமுறையினர் முன் வர வேண்டும் என பிரதமர் தெரிவித்துள்ளார்.

மனிதநேயம், ஊழல், வறுமை இடைவெளி, சுற்றுச்சூழல் போன்ற பல்வேறு தேசிய பிரச்சினைகள் குறித்து, அவர்கள் தைரியமாக முன் வந்து பேச தயங்க வேண்டாமென அவர் கூறினார். 

---------   

மலாக்கா Alor Gajah-வில் வெள்ளத்தினால் பாதிக்கப்பட்ட 1,500-க்கும் மேற்பட்ட அப்பகுதி வாழ் மக்களுக்கு, மாநில அரசு, சிறப்பு நீர் தள்ளுபடியை அறிவித்துள்ளது.