← Back to list

பொது போக்குவரத்து மேம்படுத்தப்படும்!

Aug 14, 2024

நாட்டின் பொதுப் போக்குவரத்து முறையை மேம்படுத்த, அரசாங்கம் விரிவான திட்டமொன்றை செயல்படுத்தி வருகிறது.   

முக்கிய போக்குவரத்து முறைகளில் ஒன்றான ரயில் மற்றும் பேருந்து சேவைகளை மேம்படுத்துவதும் அதிலடங்கும் என பொருளாதார அமைச்சர் தெரிவித்துள்ளார். 

அத்திட்டங்கள், அடுத்தாண்டு கோலாலம்பூரில் பேருந்து நிலையங்களை தரமுயர்த்தும் பணிகளோடு தொடர்வதுடன், பாதசாரிகளின் நடைபாதை மேம்படுத்துவதும் மேற்கொள்ளப்படும் என அவர் சொன்னார்.

----------  

முதலாளிகளும் தொழிலாளர்களும்  நெகிழ்வான பணி முறையை நன்கு புரிந்துகொள்ள வேண்டும். 

வீட்டிலிருந்து வேலை செய்ய வகை செய்யும் அம்முறை, பணியை பாதிக்காமல் வைத்திருப்பது முதலாளி மற்றும் தொழிலாளர்களின் கடமையாகும் என மேலவைத் தலைவர் தெரிவித்துள்ளார்.

அதே சமயம், வீட்டிலிருந்து வேலை செய்யும் ஊழியர்கள், தங்களால் உற்பத்தி திறனை பராமரிக்க அல்லது மேம்படுத்த முடிவதை உறுதிச் செய்துக்கொள்ள வேண்டும்.

---------   

Johor Pagoh-வில் மூவரைக் கொன்று சம்பந்தப்பட்ட வீட்டை எரித்ததாக நம்பப்படும் முக்கிய சந்தேக நபர் ஒருவர், இன்று முதல் அடுத்த வாரம் வரை தடுத்து வைக்கப்படுகிறார். 

அச்சந்தேக நபர் தலைநகர் Bukit Bintang பகுதியில் கைது செய்யப்பட்டார்.

-----------

நாடு முழுவதும் நேற்று மட்டும் 1,700-க்கும் மேற்பட்ட சாலை விபத்துகள் பதிவு செய்யப்பட்ட வேளை, 17 மரணங்கள் பதிவானதாக காவல்துறை தெரிவித்துள்ளது.

----------  

இவ்வாண்டு தொடங்கி கடந்த வாரம் வரை, மொத்தம் 18-ஆயிரத்து 205 வணிகக் குற்ற சம்பவங்கள் பதிவு செய்யப்பட்டிருப்பதாகவும், அதனால் 1.5 பில்லியனுக்கும் அதிகமான நட்டம் ஏற்பட்டுள்ளதாக, Bukit Aman வணிகக் குற்றப் புலனாய்வுத் துறையின் இயக்குநர் தெரிவித்தார்.