← Back to list

மலேசியாவுக்கு ஆற்றல் இருக்கிறது!

Aug 29, 2021

சொந்த Covid-19 தடுப்பூசியை உருவாக்கும் ஆற்றல் மலேசியாவுக்கு இருக்கிறது.

சுகாதார முன்னாள் அமைச்சர் Datuk Seri Dr Adham Baba அவ்வாறு நம்பிக்கை தெரிவித்திருக்கிறார்.

உள்நாட்டு பொது சுகாதார அறிவியலாளர்களை ஒன்றுதிரட்டி அத்தடுப்பூசியை உருவாக்க முனைப்பு காட்ட வேண்டும் என அவர் கேட்டுக் கொண்டார்.

புதிய அமைச்சரவையில் Dr Adham Baba, அறிவியல், தொழில்நுட்ப, புத்தாக்க அமைச்சராகப் பொறுப்பேற்றிருக்கும் நிலையில் அவர் அவ்வாறு கூறினார்.

Khairy Jamaluddin அமைச்சராகியுள்ள சுகாதார அமைச்சு, இனி பிரத்தியேகமாக தேசிய தடுப்பூசித் திட்டத்தைக் கையாளும்.

நாட்டில் நேற்று புதிதாகப் பதிவான Covid-19 சம்பவங்களில் சுமார் 98 விழுக்காடு, அறவே அறிகுறிகள் இல்லாதவை அல்லது மிதமான அறிகுறிகளைக் கொண்டவை.

சுகாதார அமைச்சு அதனைத் தெரிவித்திருக்கிறது.

76 விழுக்காட்டுக்கும் அதிகமான சம்பவங்கள் முதலாவது தடுப்பூசியைப் பெறாதவர்கள் அல்லது முழுமையாகத் தடுப்பூசி போட்டுக் கொள்ளாதவர்களை உட்படுத்தியவை.

 நெகிரி செம்பிலான் மாநிலம் கூட்டு நோய் எதிர்ப்புச் சக்தியை அடையும் நிலையை நெருங்கி வருகிறது.

அம்மாநிலத்தில் தற்போது 76.4 விழுக்காட்டுப் பெரியவர்கள் முழுமையாக தடுப்பூசி போட்டு முடித்துள்ளனர்.

 மலாக்கா மாநிலத்தில் பேரளவிலான இரு தடுப்பூசி மையங்கள் நாளை முதல் இயங்கவிருக்கின்றன. 

அம்மையங்கள் செயல்படுவதன் வழி அம்மாநிலத்தில் நாளொன்றுக்கு 22 ஆயிரம் பேருக்கு தடுப்பூசி போட முடியும் என எதிர்பார்க்கப்படுகிறது.

BERSATU கட்சியின் உச்சமன்ற உறுப்பினர் Datuk Seri Lajim Ukin தமது 66 ஆவது வயதில் இன்று காலமானார்.

சபாவின் மூத்த அரசியல்வாதியுமான அவர் Covid-19னால் மரணமடைந்ததாக அவரது துணைவியார் உறுதிப்படுத்தியிருக்கிறார்.