← Back to list

தடுப்பூசி கையிருப்பை விரைந்து அனுப்பப் பேசப்படுகிறது!

Jun 01, 2021

நாட்டில் புதிதாக ஏழாயிரத்து 105 Covid-19 கிருமித் தொற்றுச் சம்பவங்கள் பதிவு செய்யப்பட்டுள்ளன. 

சிலாங்கூரில் தொடர்ந்து மிக அதிகமாக ஈராயிரத்து 68 சம்பவங்கள் அடையாளம் காணப்பட்டுள்ளன.

தொடர்ந்து KLலில் 817 சம்பவங்கள் கண்டறியப்பட்டுள்ளன.

சரவாக், கிளந்தான், ஜொகூர் ஆகிய மாநிலங்களிலும் கூட அதிகமான சம்பவங்கள் பதிவு செய்யப்பட்டுள்ளன.

Covid-19 தடுப்பூசி கையிருப்பை விரைந்து அனுப்புவது தொடர்பில் மலேசியா, உலகம் முழுவதும் உள்ள தடுப்பூசி விநியோக நிறுவனங்களுடன் மீண்டும் விவாதித்து வருவதாக தேசிய தடுப்பூசித் திட்ட ஒருங்கிணைப்பாளர் Khairy Jamaluddin தெரிவித்திருக்கிறார்.

சீனாவில் உள்ள தடுப்பூசி விநியோக நிறுவனமான Sinovac, அனைத்து 12 மில்லியன் தடுப்பூசி டோஸ்களையும் ஜூலை மாத இறுதிக்குள் அனுப்பி வைக்கும்.

Pfizer நிறுவனம் இவ்வாண்டின் மூன்றாவது காலாண்டில் 25 மில்லியன் டோஸ்களை அனுப்பும் என அறிவியல், தொழில்நுட்ப, புத்தாக்க அமைச்சருமான Khairy சொன்னார்.  

E Belia திட்டத்தின் கீழ் இளையோர் 100 ரிங்கிட்டுக்குப் பதிலாக 150 ரிங்கிட் உதவிநிதியைப் பெறுவதாக பிரதமர் Tan Sri Muhyiddin Yassin அறிவித்திருக்கிறார். 

அதன் வழி 18ட்டில் இருந்து 20 வயதுக்குட்பட்ட 20 லட்சம் இளையோரும், முழு நேர உயர்கல்வி கழக மாணவர்களும் பலனடைவர். 

தகுதி பெற்றவர்கள் இன்று முதல் தங்களின் E wallet கணக்கில் அப்பணத்தைப் பெறுவர். 

இன்று முதல் ஜூலை 31 ஆம் தேதி வரை தங்களது வாகனமோட்டும் லைசன்ஸ், மோட்டார் வாகன லைசன்ஸ், Vokasional லைசன்ஸ் ஆகியவை காலாவதியாகும் உரிமையாளர்களுக்கு அவற்றைப் புதிப்பிக்க ஆகஸ்ட் ஒன்றாம் தேதியில் இருந்து செப்டம்பர் 30 ஆம் தேதி வரை கால அவகாசம் வழங்கப்படுகிறது.

இருப்பினும் அவர்களது வாகனங்களுக்கு சட்டப்பூர்வமான காப்புறுதி பாதுகாப்பு இருக்க வேண்டும்.

தேவைப்பட்டால் அவர்கள் அதன் நகலைக் காண்பிக்க வேண்டும் என போக்குவரத்து அமைச்சு கூறியது.

கடந்த வாரம் Kelana Jaya LRT இலகு ரயில் விபத்தில் காயமடைந்து KL  மருத்துவமனையில் அனுமதிக்கப்பட்டிருந்த 61 பேர் வீடு திரும்ப அனுமதிக்கப்பட்டுள்ளனர்.

மேலும் மூன்று பயணிகள் இன்னமும் சிகிச்சை பெற்று வருவதாக Prasarana அறிக்கை வழி தெரிவித்தது.