← Back to list

முக்கிய பொதுத் தேர்வுகள் திட்டமிட்டப்படியே தொடரும்!

Jan 23, 2021

அடுத்த மாதம் 2020ஆம் ஆண்டுக்கான ஒத்தி வைக்கப்பட்ட பள்ளி முக்கியப் பொதுத் தேர்வுகள் திட்டமிட்டப்படியே தொடரும்!

என்றாலும் COVID-19 தொற்றுக்கு ஆளாகியிருக்கும் அல்லது கட்டாய தனிமைப்படுத்துதலில் வைக்கப்பட்டுள்ள அத்தேர்வெழுதும் மாணவர்களுக்கு பரீட்சைக்கான தனி அமர்வுகள் ஏற்பாடு செய்யப்படும் அமைச்சு தெரிவித்தது.

கொரொனாத் தொற்றால் பாதிக்கப்பட்ட மாணவர்கள் குணமடைந்தப் பின்னரே தேர்வெழுத அனுமதிக்கப்படுவார்கள் என்றும் அமைச்சு கூறியது.

சம்பந்தப்பட்ட மாணவர்களுக்கு வேறுப்பட்ட ஆனால் ஒரே தரத்திலான தேர்டு தாள்கள் வழங்கப்படும் என்றும் அமைச்சு தெரிவித்தது.

இதன் வழி  கேள்விகள் கசிந்ததாக எந்தப் பிரச்னையும் இருக்காது என அமைச்சு கூறியது.

இவ்வேளையில், நான்காம் மற்றும் ஐந்தாம் படிவ மாணவர்களுக்கான கற்றல் அணுகுமுறையை உயர்கல்விக் கூடங்களில் உள்ளது போல தவணை அதாவது செமஸ்டர் முறைக்கு மாற்றும் பரிந்துரையை பரீசீலிக்க தயார் என கல்வி அமைச்சு கூறியுள்ளது.

இம்முறையின் கீழ் 4ஆம், 5ஆம் படிவ மாணவர்கள், உயர்கல்விக் கூட மாணவர்களைப் போன்று போதனை முறைகளைப் பின்பற்றி, தவணை அடிப்படையில் தேர்வெழுதுவார்கள் என அமைச்சு தெரிவித்தது.

என்றாலும், இப்பரிந்துரைக்கு ஆழமான ஆய்வுகள் மேற்கொள்ளப்பட வேண்டியிருப்பதாக அமைச்சு கூறியது.

இதனிடையே, பள்ளி நேரடி கல்வி தொடங்கிய முதல் நாளில், நாடு முழுவதும் மாணவர் வருகை  95 விழுக்காடு வரை பதிவானதாகவும் அமைச்சு தகவல் வெளியிட்டிருக்கின்றது.

பள்ளிகள் தற்காலிகமாக மூடப்பட்டன!

Kuala Terengganuவில் உள்ள ஆரம்பப் பள்ளி ஒன்று இரு வாரங்களுக்கு மூட உத்தரவிடப்பட்டுள்ளது.

அப்பள்ளியைச் சேர்ந்த 8 ஆசிரியர்களுக்கு COVID-19 தொற்று உறுதிப்படுத்தப்பட்டுள்ளது.

மலாக்காவில் ஆறாம் படிவ கல்லூரி ஒன்று ஒரு வாரம் மூடப்படுகிறது; அதில் ஆசிரியர் ஒருவருக்கு COVID-19 தொற்று பீடித்துள்ளது.

சுவாசக் கவசம் அணிவதில் அலட்சியம் வேண்டாம்!

சுவாசக் கவசம் பயன்படுத்துவதில் அலட்சியம் காட்ட வேண்டாம் என பொது மக்கள் நினைவுறுத்தப்படுகின்றனர்.

COVID-19 பரவலை தடுக்க சுவாசக் கவசத்தை சரியான முறையில் அணியுமாறு, சுகாதார துறை தலைமை இயக்குநர் Tan Sri Dr Noor Hisham Abdullah பொது மக்களை அறிவுறுத்தியிருக்கின்றார்.

சுவாசக் கவசத்தை அணிந்தப் பின் அதனை வாய் மற்றும் தாடை வரை இறக்கி விடுவது போன்ற காரியங்களை செய்ய வேண்டாம் என அவர் கேட்டுக் கொண்டார்.

யானைக்கு தீ வைத்த ஆடவர்கள் கைது!

தமிழ்நாடு நீலகிரியில்,  யானை மீது தீப்பற்றி எரியும் டயரை வீசி, அந்த யானை படுகாயங்களுடன் உயிரிழக்க காரணமாக இருந்த இரு ஆடவர்கள் கைது செய்யப்பட்டுள்ள நிலையில், தப்பியோடிய மூன்றாம் நபர் தேடப்படுகின்றார்.

Image: The News Minute

அந்த யானை மீது தீப்பிடித்த டயரை வீசும் காட்சிகள் அடங்கிய CCTV பதிவு வெளியானதை அடுத்து அவர் கைது செய்யப்பட்டனர்.

அச்சம்பத்தில் தலை, காது பகுதிகளில் தீப் பற்றிக் கொண்ட அந்த யானை வலி தாங்க முடியாமல் பிளிறிக் கொண்டே ஓடும், வேதனைமிக்க காட்சிகளும்  பதிவாகியிருக்கின்றன.