← Back to list

பள்ளிகள் திறக்கப்படுகின்றன!

Jun 10, 2020

வருகின்ற 24ஆம் தேதி புதன்கிழமை SPM, SVM, STPM உள்ளிட்ட பொது தேர்வெழுதும் மாணவர்களுக்கு பள்ளிகள் மீண்டும் திறக்கப்படுகின்றன.

எனவே மாணவர்களின் நலனில் பெற்றோரும் கடப்பாடு கொண்டு, அமைச்சுக்கு முழு ஒத்துழைப்பு வழங்குமாறு கல்வி அமைச்சர் Dr Radzi Jidin கேட்டுக் கொண்டார்.

ஒரு வகுப்பில் இருபதுக்கும் மேற்பட்ட மாணவர்கள் இருக்கக் கூடாது என்றும், எனினும் இடவசதியைப் பொறுத்து மாணவர்களின் எண்ணிக்கை மாறுபடலாம் என்றும் அமைச்சர் மேலும் சொன்னார்.

இதர மாணவர்களுக்கான வகுப்புகள் கட்டங்கட்டமாகத் தொடரப்படும்; அதற்கான தேதி கூடிய விரைவில் அறிவிக்கப்படும்.

________

நாட்டில் இன்று இரு புதிய Covid-19 சம்பவங்கள் பதிவாகியுள்ளன.

அவ்விரண்டில் ஒன்று வெளிநாட்டவரையும், மற்றொன்று வெளிநாட்டிலிருந்து நாடு திரும்பிய மலேசியர்  ஒருவரையும் உட்படுத்தியதாகும்.

இதையடுத்து நாட்டில் தொடர்ச்சியாக இரு நாட்களுக்கு உள்நாட்டு Covid-19 பரவல் சம்பவம் பதிவாகவில்லை.

புதிய மரண சம்பவமும் பதிவாகாத நிலையில் இப்போதைக்கு பலி எண்ணிக்கை 118ஆகவே நீடிக்கின்றது.

_________

வெளிநாட்டு சுற்று பயணிகளை படிப்படியாக நாட்டுக்குள் அனுமதிக்கும் ஆலோசனையை மலேசிய முதலாளிமார்கள் சம்மேளனமும் வரவேற்றுள்ளது.

நாட்டின் தொழிற்துறைகளை மேம்படுத்து அயல்நாட்டு பயணிகளின் வருகை அவசியமாவதாக அதன தலைமை செயல்முறை அதிகாரி Datuk Shamsuddin Bardan கூறியுள்ளார்.

முன்னதாக இதே நிபந்தனையை நாட்டின் தங்கும் விடுதிகளும் முன்வைத்திருந்தன.

________

இந்தியா கேரளாவில், நேற்று கோவில்கள் திறக்கப்பட்டுள்ள வேளை சபரி மலை நடை வருகின்ற 14ஆம் தேதி திறக்கப்படவுள்ளது.

தரிசனத்திற்கு பொது மக்கள் இன்று முதல் முன்பதிவு செய்யலாம் என அம்மாநில அரசு அறிவித்துள்ளது.