← Back to list

தாமே BERSATU தலைவர்- Tun M!

May 29, 2020

தாம் இன்னமும் BERSATU கட்சித் தலைவர் பொறுப்பில் தான் இருப்பதாக Tun Dr Mahathir Mohd தெரிவித்துள்ளார்.

தம்முடன் கலந்தாலோசிக்காமல் கட்சியின் புதிய நிர்வாகச் செயலாளரைத் தேர்வு செய்த பிரதமர் Tan Sri Muhyiddin Yassinநின் செயல் விதிமீறலாகும் என்றும் அவர் கூறினார்.

நேற்று Tun M உள்ளிட்ட நால்வர் கட்சியிலிருந்து நீக்கப்படுவதாக  BERSATU அறிவித்தது.

__________

நாட்டில் புத்தாக 103 Covid-19 சம்பவங்கள் பதிவாகியுள்ளன.

அவற்றில் 7 சம்பவங்கள் வெளிநாட்டவர்களை உட்படுத்தியிருப்பதாக சுகாதாரத் துறை தலைமை இயக்குனர் Datuk Sri Noor Hisham Abdullah தெரிவித்துள்ளார்.

66 பேர் பூரண குணமடைந்து வீடு திரும்ப அனுமதிக்கப்பட்டுள்ள வேளை, புதிய மரண சம்பவம் ஏதும் பதிவாகவில்லை.

______

சிலாங்கூர், Seri Kembanganநிலுள்ள கோவிலில் திருமண நிகழ்வு நடந்த சம்பவம் தொடர்பில், அக்கோவிலின் நிர்வாகத் தலைவர், மாப்பிள்ளை மற்றும் அர்ச்சகருக்கு Kompaun அபராதம் விதிக்கப்பட்டுள்ளது.

முன்னதாக அக்கோவிலில் ஏராளமானோர் கலந்து கொள்ல திருமண நிகழ்வொறு நடந்த காட்சிகள் அடங்கிய வீடியோ சமூக வலைத்தளங்களில் பரவியிருந்தது.

______

இதனிடையே Sri Kembanganநில் நேற்று இரு ஆடவ கும்பல்களுக்கிடையே நடந்த கைகலப்பு சம்பவம் தொடர்பில் காவல் துறை எண்மரைக் கைது செய்துள்ளது.

அவர்கள் அனைவரும் விசாரணைக்காகக் இரண்டிலிருந்து நான்கு நாட்களுக்குத் தடுத்து வைக்கப்பட்டுள்ளனர்.

_______

இவ்வாரத்திற்கான புதிய பெட்ரோல் விலை அறிவிக்கப்பட்டுள்ளது.

RON 97, மற்றும் RON 95 ரக பெட்ரோல் ஐந்து சென் உயர்ந்து லிட்டருக்கு முறையே 1 ரிங்கிட் 73 மற்றும் 1 ரிங்கிட் 43 சென்னுக்கு விற்கப்படும்.

டீசல் 10 சென் உயர்ந்து லிட்டருக்கு 1 ரிங்கிட் 61 சென்னாக உள்ளது.

________

நாட்டில் பாதிக்கும் அதிகமானோர் உடல் பருமனால் பாதிக்கப்பட்டுள்ளனர்.

கடந்த நான்காண்டுகளில் மலேசியாவில் அதிக உடல் எடை பிரச்னை 18.3 விழுக்காடாக உயர்ந்திருப்பதாக சுகாதாரத் துறை தெரிவித்துள்ளது.

95 விழுக்காட்டுக்கும் அதிகமானோர் போதுமான காய்கறிகள் மற்றும் பழங்களை தினசரி உணவில் எடுத்துக் கொள்ளாதது இதற்கு ஒரு காரணம் என அது மேலும் கூறியது.

_______