← Back to list

ரயில் நிலையங்களில் கூடல் இடைவெளி!

May 04, 2020

புகார் அளிக்கலாம்!

இன்று தொடங்கியுள்ள நிபந்தனைக்குட்பட்ட நடமாட்டக் கட்டுப்பாட்டு ஆணை CMCO-வை பின்பற்றாத நிறுவனங்கள் குறித்து புகார் அளிக்கலாம்!

அவற்றை மூடுவது உள்ளிட்ட உடனடி நடவடிக்கைகள் எடுக்கப்படும் என சுகாதார துறை தலைமை இயக்குநர் Datuk Dr Noor Hisham Abdullah எச்சரித்துள்ளார்.

“Kalau ada seorang yg positif, kita akan laksanakan ‘acute case detection’ di pusat beli-belah tersebut. Kita akan tutup dan pastikan mereka yg kontak rapat dgn kes yg positif itu akan dikenalpasti, disaring dan diuji. Kita juga akan tutup utk nyahcemar dan nyahkuman pusat beli-belah tersebut.”

நாட்டில் நேற்று 122 புதிய சம்பவங்கள் பதிவாகிய வேளை, 87 பேர் குணமடைந்து வீடு திரும்பியுள்ளனர்.

உணவு விற்பனைக்கான நிபந்தனைகள்!

சிலாங்கூரில், உணவகங்கள் மற்றும் உணவு அங்காடி வியாபாரிகளும், பொட்டலமிடப்பட்ட உணவு விற்பனை மற்றும் விநியோகம் மட்டுமே செய்ய முடியும்.

 அதற்கான நேரம் காலை 7 மணி முதல் இரவு 10 மணி வரை மட்டுமே.

சாலையோர உணவுக் கடைகள், வாகனங்களில் உணவுகளை விற்பனை செய்பவர்கள், 4ஆம் கட்ட நடமாட்டக் கட்டுப்பாட்டு ஆணை மே 12ஆம் தேதி முடிவடைந்தப் பின்னரே செயல்பட முடியும்.

ரயில் நிலையங்களில் கூடல் இடைவெளி!

 Rapid KL ரயில்களில் குறிப்பிட்ட அளவிலான பயணிகள் மட்டுமே ஏற முடியும் என்பதால், அச்சேவையைப் பயன்படுத்துவோர் சற்று நேரம் காத்திருக்க வேண்டிய நிலை ஏற்படும் என எதிர்பார்க்கப்பட்டுகிறது.

 ரயில் நிலையங்களிலும், ரயிலின் உள்ளும், கூட்ட நெரிசலை தவிர்க்க பயணிகள் இன்று தொடங்கி கூடல் இடைவெளியை கடைப்பிடிப்பது உள்ளிட்ட பயணிகளுக்கான நடமாட்ட கட்டுப்பாட்டு விதிமுறைகளை பின்பற்ற வேண்டும் என Rapid KL கேட்டுக் கொண்டிருக்கிறது.

சேவைகள் இன்று தொடங்குகின்றன!

 நாடு முழுவதும் உள்ள தேசியப் பதிவுத் துறை அலுவலகங்கள் இன்று முதல் செயல்படும்; ஆனால், முன்கூட்டியே பதிந்துக் கொண்டவர்களுக்கு மட்டுமே முன்னுரிமை வழங்கப்படும்.

இவ்வேளையில், DBKL-லின் பெரும்பாலான நடவடிக்கைகள் இன்று தொடங்கும்; எனினும், கட்டிட உரிமங்களை புதுப்பிப்பது மற்றும் விளம்பரங்களுக்கான விண்ணப்பங்கள் இணையம் வழி சமர்பிக்கப்பட வேண்டும் என DBKL தெரிவித்தது.

பழைய காணொளி!

Selayang சந்தையில், அந்நிய நாட்டவர்கள் தொடர்ந்து வியாபாரம் செய்ய அமுலாக்க அதிகாரிகளுக்கு பணம் கொடுக்கப்பட்டதாக வெளியாகியுள்ள காணொளியை DBKL மறுத்துள்ளது.

அது ஒரு பழைய காணொளி; தங்களது நற்பெயருக்கு வேண்டும் என்றே களங்கத்தை ஏற்படுத்த பொறுப்பற்ற தரப்பினர் அதனை வெளியிட்டிருப்பதாக DBKL தெரிவித்தது.

சமூக வலைத்தளங்களில் நீங்கள் பெறும் தகவல் உண்மையானதா, இல்லையா என்பதை Sebenarnya.my அகப்பக்கத்தில் உறுதிப்படுத்திக் கொள்ளுங்கள்.

தொகுப்பு: சௌரியம்மாள் ராயப்பன்