← Back to list

பாரம்பரிய மருத்துவம் ஒரு பக்க சிகிச்சையே!

Apr 30, 2020

Covid-19 கிருமித் தொற்றுக்கு பாரம்பரிய மருத்துவச் சிகிச்சையைப் பயன்படுத்துவது பக்கத் தொழில் பிரிவில் வைக்கப்பட்டுள்ளது.   

சுகாதாரத் தலைமை இயக்குனர் அவ்வாறு தெரிவித்துள்ளார். 

பாரம்பரிய மருத்துவ சிகிச்சைகள் அநேகமாக குணமடையும் காலத்தைத் துரிதப்படுத்தலாம் என்றாரவர்.

நாட்டில் மேலும் 84 பேர் Covid-19னில் இருந்து விடுபட்டு பூரண குணமடைந்திருக்கின்றனர்.

57 புதிய சம்பவங்கள் பதிவாகி மொத்த சம்பவங்களின் எண்ணிக்கை ஆறாயிரத்து 2 ஆக அதிகரித்துள்ளது.

மேலும் இருவர் Covid-19னுக்குப் பலியாகியிருப்பதை அடுத்து மொத்த மரண எண்ணிக்கை 102 ஆக உயர்ந்துள்ளது.

பெர்லிஸ், கெடா, கிளந்தான் ஆகிய மூன்று மாநிலங்கள் பச்சைப் மண்டலப் பகுதியில் சேர்க்கப்பட்டுள்ளன.

அம்மாநிலங்களில் புதிதாக Covid-19 சம்பவங்கள் ஏதும் பதிவாகவில்லை என சுகாதார அமைச்சு உறுதிப்படுத்தியிருக்கிறது.

அத்தியாவசியப் பொருட்கள் விற்கும் வணிக வளாகங்கள் சுகாதார அமைச்சு நிர்ணயித்துள்ள தர செயல்பாட்டு நடைமுறையைத் தொடர்ந்து பின்பற்றி வர வேண்டும் என தற்காப்பு அமைச்சு கேட்டுக் கொண்டுள்ளது.  

அத்தியாவசியப் பொருட்கள் வாங்க ஒரே குடும்பத்தைச் சேர்ந்த இருவர் செல்லலாம் என அரசாங்கம் அனுமதி அளித்திருப்பதைத் தொடர்ந்து அது  அவ்வாறு வலியுறுத்தியது.  

மூவாயிரத்துக்கும் அதிகமான உயர்க்கல்விக் கழக மாணவர்கள் இன்று தத்தம் சொந்த ஊர்களுக்குத் திரும்புகின்றனர்.

கிழக்குப் பகுதி, பேரா, தென்பகுதி, சரவாக் ஆகிய இடங்களுக்கு அவர்கள் பயணிக்கின்றனர். 

MCOவை மீறியதற்காக நேற்று மட்டும் நாடு முழுவதும் 680க்கும் மேற்பட்டோர் கைது செய்யப்பட்டனர். 

அதனை அடுத்து இதுவரை கைதானவர்களின் மொத்த எண்ணிக்கை 22 ஆயிரத்து 400ரைத் தாண்டியுள்ளது.

பொய்ச் செய்திகளைப் பரப்பியது தொடர்பில் இதுவரை 240க்கும் மேற்பட்ட விசாரணை அறிக்கைகள் திறக்கப்பட்டிருக்கின்றன. 

அவற்றில் 15 பேர் தங்களது தவற்றை ஒப்புக் கொண்டதாக தொடர்பு, பல்லூடக அமைச்சு தெரிவித்தது. 

தொகுப்பு : சுகந்தமலர் முனியாண்டி