← Back to list

Covid-19 : தினசரி செய்தியாளர் சந்திப்பில் இருந்து...

Apr 20, 2020

-    நேற்று நாடு முழுவதும் 820 சாலை தடுப்புச் சோதனைகள் நடத்தப்பட்டு அதில் 369, 106 வாகனங்கள் சோதனையிடப்பட்டன.
-    நடமாட்டக் கட்டுப்பாட்டு ஆணையை மீறியதற்காக நேற்று மட்டும் 1174 பேர் கைதாகியுள்ளனர்.
-    அவர்களில் 1012 தடுத்து வைக்கப்பட்டு, 162 பேர் காவல் துறையின் உத்தரவாதத்தின் பேரில் விடுவிக்கப்பட்டுள்ளனர்.
-    நடமாட்டக் கட்டுப்பாட்டு ஆணையை மீறியதன் தொடர்பில் இதுவரை மொத்தம் 15, 924 பேர் கைது செய்யப்பட்டுள்ளனர்.
-    இனி எந்த காரணமும் சொல்லி அவ்வாணையை மீற வேண்டாம் என பொது மக்கள் கேட்டுக் கொள்ளப்படுகின்றனர்.
-    முறையான வேலை அனுமதி ஆவணங்களைக் கொண்டிருக்கும் அந்நிய தொழிலாளார்கள் மீதும் மலேசியர்கள் மீது எடுக்கப்படுவது போன்ற நடவடிக்கை எடுக்கப்படும்.
-    ஆவணங்கள் இல்லாவிடில், மேல் நடவடிக்கைக்காக சம்பந்தப்பட்டவர்கள் குடிநுழைவுத் துறையிடம் ஒப்படைக்கப்படுவர்.
-    4.2 மில்லியன் ரிங்கிட்டை எட்டியிருக்கும் சுவாசக் கவசங்களை உட்படுத்திய மோசடிகளுக்குக் காவல் துறை முக்கியத்துவம் வழங்குகின்றது.
-    அவ்வாறு செய்பவர்கள் மீது கடும் நடவடிக்கை எடுக்கப்படும்  என தெரிவித்த காவல் துறை, பொது மக்களும் கவனமாக இருக்க வேண்டும் என கேட்டுக் கொண்டது.
-    அது குறித்த விவரங்களை Semak Mule இணையத்தளம் மற்றும் www.biztrust.ssm.com.my அகப்பக்கத்தில் சரி பார்த்துக் கொள்ளலாம்.
-    Covid-19 குறித்து பொய் தகவல் பரப்பியதன் தொடர்பில் காவல் துறை நேற்று வரை 229 விசாரணை அறிக்கைகளைத் திறந்துள்ளது.
-    நேற்று சுமார் 408 மலேசியர்கள் வெளிநாடுகளிலிருந்து தாயகம் கொண்டுவரப்பட்டு, தனிமைப்படுத்தி வைக்கப்பட்டுள்ளனர்.
-    இம்மாதம் 18ஆம் தேதி வரையிலான நிலவரப்படி, நாடு திரும்பிய சுமார் 2182 மலேசியர்கள் 14 நாட்களுக்குத் தனிமைபடுத்தி வைக்கப்பட்டு தற்போது வீடு திரும்ப அனுமதிக்கப்பட்டுள்ளனர்.
-    நாட்டில் உணவு கையிருப்பு போதுமானதாக இருப்பதை அரசாங்கம் அவ்வப்போது உறுதிபடுத்தும்.