← Back to list

MCO நீட்டிக்கப்பட்டுள்ளது!

Apr 10, 2020

Photo : The Star

நடமாட்டக் கட்டுப்பாட்டு ஆணை மேலும் இரு வாரங்களுக்கு நீட்டிக்கப்படுவதாக பிரதமர் Tan Sri Muhyiddin அறிவித்திருக்கின்றார்.

ஏப்ரல் 28 ஆம் தேதி வரை MCO அமலில் இருக்கும்.

மற்றொரு நிலவரத்தில், குறிப்பிட்ட சில பொருளாதாரத் துறைகள் கட்டங் கட்டமாகச் செயல்படுவதற்கு அனுமதி வழங்க உத்தேசிக்கப்பட்டிருப்பதாக பிரதமர் கூறினார்.

அது குறித்து கூடிய விரைவில் அறிவிப்பு வெளியிடப்படும் என்றாரவர்.

மேலும் சில முக்கியச் செய்திகள்........

நடமாட்டக் கட்டுப்பாட்டு ஆணையை மீறுவோருக்கு விதிக்கப்படும் ஆயிரம் ரிங்கிட் அபராதம் உயர்த்தப்படலாம்.

MCOவைப் பின்பற்றாதவர்களின் எண்ணிக்கை அதிகமாக இருந்தால், அவ்வாறு செய்யப்படலாம் என தற்காப்பு அமைச்சு எச்சரித்துள்ளது.

நேற்று சுமார் 400 பேருக்கு ஆயிரம் ரிங்கிட் அபராதம் விதிக்கப்பட்டது. 

நாட்டில் Covid-19னுக்கு மேலும் மூவர் பலியாகியிருப்பதை அடுத்து மொத்த மரண எண்ணிக்கை 70 ஆக அதிகரித்துள்ளது.

118 புதிய சம்பவங்கள் அடையாளம் காணப்பட்டு மொத்த சம்பவங்கள் நாலாயிரத்து 346 எனப் பதிவாகியுள்ளது.

மேலும் 222 பேர் பூரண குணமடைந்து வீடு திரும்ப அனுமதிக்கப்பட்டுள்ளனர்.

சிலாங்கூரில் Hulu Selangor ஆகக் கடைசியாக Covid-19 சம்பவங்கள் அதிகம் பதிவாகி சிவப்புப் பகுதிகள் பட்டியலில் சேர்ந்துள்ளது.

ஏற்கனவே Hulu Langat, Petaling, Klang, Gombak,  Sepang ஆகிய ஐந்து மாவட்டங்கள் அப்பட்டியலில் இடம் பெற்றுள்ளன.

Indera Mahkota 2டில் நடமாட்டக் கட்டுப்பாட்டு ஆணை கடுமையாக்கப்படவிருப்பதாக வெளிவந்துள்ள தகவலை பஹாங், குவாந்தான் மாவட்டக் காவல் துறை மறுத்துள்ளது.

உங்களுக்குக் கிடைக்கும் தகவல் உண்மையா இல்லையா என்பதை Sebenarnya.my அகப்பக்கத்தில் சரிபார்த்துக் கொள்ளலாம்.

Covid-19 பரவலைக் கட்டுப்படுத்த அரசாங்கம் எடுத்துள்ள முயற்சிகளில் திருப்தி கொள்வதாக ஒரு லட்சத்து 78 ஆயிரத்து 232 மலேசியர்களில் 96 விழுக்காட்டினர் தெரிவித்திருக்கின்றனர்.

தேசிய பாதுகாப்பு மன்றம் MKN நடத்திய இணைய வாக்கெடுப்பில் அவர்கள் அவ்வாறு குறிப்பிட்டுள்ளனர்.

இன்று நள்ளிரவு தொடங்கி RON95 மற்றும் RON97 பெட்ரோல் விலை 5 சென் குறைகிறது.

RON95 லிட்டருக்கு ஒரு ரிங்கிட் 25 சென்னுக்கும் RON97 லிட்டருக்கு ஒரு ரிங்கிட் 55 சென்னுக்கும் விற்கப்படும்.

டீசல் 12 சென் சரிந்து லிட்டருக்கு 1 ரிங்கிட் 46 சென்னாகிறது.  

தொகுப்பு : சுகந்தமலர் முனியாண்டி