← Back to list

KLலில் இரு கட்டிடங்களில் MCO கடுமையாக்கப்பட்டுள்ளது!

Apr 07, 2020

இன்று மேலும் ஒருவர் Covid-19னுக்குப் பலியாகியுள்ளார்.

அதனை அடுத்து மொத்த மரணங்களின் எண்ணிக்கை 63 ஆக உயர்ந்துள்ளது.

மேலும் 80 பேர் Covid-19னில் இருந்து பூரண குணமடைந்துள்ளனர்.

அவர்களையும் சேர்த்து இதுவரை ஆயிரத்து 321 பேர் நலமடைந்துள்ளனர்.

புதிதாக 170 சம்பவங்கள் அடையாளம் காணப்பட்டு இதுவரை பதிவான சம்பவங்களின் எண்ணிக்கை மூவாயிரத்து 963 ஆக அதிகரித்துள்ளது.

Covid-19னால் மரணமடைவோரின் பெயர்  வெளியிடப்படாது.

சம்பவத்தின் எண் மட்டுமே தெரியப்படுத்தப்படும் என சுகாதாரத் தலைமை  இயக்குனர் தெரிவித்தார்.

KLலில் Selangor Mansion, Malayan Mansion ஆகிய இரு கட்டிடங்களில் நடமாட்டக் கட்டுப்பாட்டு ஆணை கடுமையாக்கப்பட்டுள்ளது.

அங்கு 15 பேருக்கு Covid-19 தொற்றியிருப்பது உறுதிச் செய்யப்பட்டுள்ளதே அதற்குக் காரணம்.

அது 365 இருப்பிடங்கள் மற்றும் வணிகப் பகுதிகளை  உட்படுத்தியிருக்கிறது.

Putrajaya, Rembau, நெகிரி செம்பிலான், Jasin, மலாக்கா ஆகியவை 41க்கும் அதிகமான Covid-19 சம்பவங்களைப் பதிவு செய்து சிவப்புப் பகுதிப் பட்டியலில் சேர்க்கப்பட்டுள்ளன.

அதனை அடுத்து இதுவரை சிவப்புப் பகுதிகள் பட்டியலில் இடம் பெற்றுள்ள இடங்களின் எண்ணிக்கை 21 ஆக அதிகரித்துள்ளது.

கடந்த மாதம் நடமாட்டக் கட்டுப்பாட்டு ஆணை அமலுக்கு வந்ததில் அதனை மீறிய ஆறாயிரத்து 400க்கும் மேற்பட்டோர் இதுவரை கைது செய்யப்பட்டுள்ளனர்.

நடமாட்டக் கட்டுப்பாடு அமலில் உள்ள இக்காலக் கட்டத்தில் குற்றச்செயல்களின் எண்ணிக்கை 70 விழுக்காடு குறைந்திருப்பதாக தற்காப்பு அமைச்சு தெரிவித்துள்ளது.

நடமாட்டக் கட்டுப்பாட்டு உத்தரவை நீட்டிப்பது தொடர்பில் கல்வியமைச்சர் Dr Radzi Jidinனுடன் சேர்த்து இணைய ஆய்வொன்றை நடத்தியதாகக் கூறப்படுவது உண்மையில்லை என கல்வியமைச்சு தெரிவித்துள்ளது.

உங்களுக்குக் கிடைக்கும் தகவல் உண்மையா இல்லையா என்பதை  Sebenarnya.my இணைய அகப்பக்கத்தில் சரி பார்த்துக் கொள்ளலாம்.

Covid-19 பரவல் தணிந்ததும், தங்களது அன்றாட வாழ்க்கை வேறு மாதிரியாக இருக்கும் என நம்புவதாக 36 ஆயிரத்து 810 மலேசியர்களில் 87 விழுக்காட்டினர் கூறியிருக்கின்றனர். 

தேசிய பாதுகாப்பு மன்றம் MKN நடத்திய இணைய வாக்கெடுப்பில் அவர்கள் அவ்வாறு குறிப்பிட்டுள்ளனர்.

தொகுப்பு : சுகந்தமலர் முனியாண்டி