← Back to list

MCO: பொறுப்புடன் செயல்படுங்கள்!

Apr 07, 2020

MCO: பொறுப்புடன் நடந்துக் கொள்ளுங்கள்!

நடமாட்டக் கட்டுப்பாட்டு உத்தரவு MCO-வை மீறுவோரிடம் கடுமையாக நடந்துக் கொள்ள காவல் அதிகாரிகள் ஊக்குவிக்கப்படுவதில்லை!

தேசிய காவல் படைத் தலைவர் Tan Sri Abdul Hamid Bador அதனை தெரிவித்துள்ளார்.

இருந்த போதிலும், நாட்டின் ஒட்டுமொத்த நலன் கருதி, COVID-19 பரவலைக் கட்டுப்படுத்த இந்த MCO காலக்கட்டத்தில் அயராது கண்காணிப்புப் பணிகளில் ஈடுப்பட்டுள்ள காவல் அதிகாரிகளின் நிலைமையைப் பொது மக்கள் புரிந்து நடந்துக் கொள்ள வேண்டும் என IGP வலியுறுத்தினார்.

இதற்கு முன் சபா Kunak-கில், MCO-வை மீறிய இளையோர் கும்பலொன்றை காவல் அதிகாரி ஒருவர் பிரம்படி கொடுத்து தண்டித்த சம்பவத்தை சமூக வலைத்தளங்களில் விவாதப் பொருளாக்க வேண்டாம் என்றும் IGP கேட்டுக் கொண்டார்.

மற்றொரு நிலவரத்தில், சில அந்நிய நாட்டவர்கள் MCO-வை மீறி நாட்டின் எல்லைப் பகுதிகளில் உள்ள துறைமுகம் வாயிலாக சத்தமில்லாமல் சொந்த நாடுகளுக்கு திரும்ப முயற்சித்து வருவதும் கண்டுபிடிக்கப்பட்டுள்ளது.

இதையடுத்து துறைமுகங்களில் கண்காணிப்பு தீவிரமடைந்திருப்பதாக IGP சொன்னார்.

மேலும் சில செய்திகள் சுருக்கமாக: 

1. Covid-19 கிருமித் தொற்றுக்கு ஆளாகியுள்ள பிரிட்டன் பிரதமர் Boris Johnson-னின் உடல்நிலை தொடர்ந்து மோசமடைந்து வருவதை அடுத்து அவர் தீவிர சிகிச்சைப் பிரிவுக்கு மாற்றப்பட்டுள்ளார்.

2. Manchester City கால்பந்து அணி நிர்வாகி Pep Guardiola-வின் தாயார் கொரோனா கிருமித் தொற்றினால், Spain-னில் மரணமுற்றார்.

3. தமிழகத்தில் மேலும் 50 பேருக்கு கொரோனா கிருமித் தொற்று ஏற்பட்டு, பாதிக்கப்பட்டவர்களின் மொத்த எண்ணிக்கை 621-ஆக அதிகரித்துள்ளது; மரண எண்ணிக்கை 6ஆக உயர்ந்தது.

4. ஜப்பானில் வேகமாக பரவி வரும் Covid-19 நோய்ப் பரவலை கட்டுப்படுத்த ஆக சீக்கிரமாக இன்று தலைநகர் தோக்கியோ மற்றும் இதர 6 பகுதிகளில் அவசர கால நிலை அறிவிக்கப்படும் என எதிர்பார்க்கப்படுகின்றது.

தொகுப்பு: சௌரியம்மாள் ராயப்பன்