← Back to list

Covid-19 : கிருமி நாசினி தெளிக்கும் பணிகள் ஆரம்பம்!

Mar 30, 2020

நாட்டில், Covid-19 கிருமித் தொற்று தொடர்பில்  இதுவரை பதிவான மொத்த மரணச் சம்பவங்களின் எண்ணிக்கை 37 ஆக உயர்ந்துள்ளது. 

புதிதாக 156 சம்பவங்கள் உறுதிப்படுத்தப்பட்டு அவ்வெண்ணிக்கை ஈராயிரத்து 626 ஆக அதிகரித்துள்ளது.

94 பேர் தீவிர சிகிச்சைப் பிரிவில் அனுமதிக்கப்பட்டுள்ளனர்.

60 பேருக்கு சுவாசக் கருவி பொருத்தப்பட்டுள்ளது.

மேலும் 91 பேர் பூரண குணமடைந்துள்ளனர்.

இதுவரை மொத்தம் 479 பேர் பூரண நலம் பெற்றுள்ளனர்.

மேலும் சில முக்கியச் செய்திகள்......

நாடு முழுவதும் Covid-19 பரவல் அதிகம் காணப்படும் பகுதிகளில் கிருமி நாசினி தெளிக்கும் பேரளவிலான பணிகள் தொடங்கியுள்ளன.

பேரங்காடிகள், உணவகங்கள், எண்ணெய் நிலையங்கள் ஆகியவை செயல்படுவதற்கான புதிய நேரத்தை அரசாங்கம் நிர்ணயித்துள்ளது.

அவ்வகையில் அவை காலை 8 மணியில் இருந்து இரவு 8 மணி வரை செயல்பட வேண்டும். 

அது நாளை மறுநாள் புதன்கிழமையில் இருந்து அமலுக்கு வருகிறது.

ஒரு சுவாசக் கவசத்தின் சில்லறை விலை 1 ரிங்கிட் 50 சென் என அரசாங்கம் நிர்ணயித்துள்ளது. 

இருப்பினும் வெளிநாட்டுச் சந்தை விலையைப் பொருத்து சுவாசக் கவசங்களின் சில்லறை விலை அவ்வப்போது மறு ஆய்வு செய்யப்படும்.

தனியார் துறையினர் தங்களின் தொழிலாளர்களுக்கு ஊதியம் வழங்குவதற்கானப் பணிகளை மேற்கொள்ள நாளையோ புதன்கிழமையோ ஒரு தினம் தங்களது அலுவலத்திற்குச் செல்ல அனுமதியளிக்கப்படுகிறது.

ஒன்று அல்லது இரு பணியாளர்கள் அப்பணிகளை மேற்கொள்ள அலுவலகம் செல்லலாம் என மனித வள அமைச்சு தெரிவித்தது.

அரசாங்கம் அண்மையில் அறிவித்த பரிவுமிக்க பொருளாதார ஊக்குவிப்புத் திட்டத்தின் கீழ் Covid-19 சிறப்பு உதவியைப் பெறாதவர்கள் தங்களைத் தொடர்பு கொள்ளலாம் எனக் கூறப்படுவதை மலேசிய ஊழல் ஒழிப்பு ஆணையம் மறுத்துள்ளது. 

ஒரு தகவல் உண்மையா இல்லையா என்பதை Sebenarnya.my என்ற அகப்பக்கத்தில் சரிபார்த்துக் கொள்ளலாம்.