← Back to list

வீட்டை விட்டு வெளியேற வேண்டாம்!

Mar 19, 2020

சுகாதாரத் துறை தலைமை இயக்குநர் Datuk Dr Noor Hisham Abdullah

Coronavirus பரவலை கட்டுப்படுத்துவதில் அலட்சியம் வேண்டாம்!

அந்த அலட்சியம் நாட்டை இன்னும் மோசமான நிலைக்கு தள்ளி விடும் என, சுகாதாரத் துறை தலைமை இயக்குநர் Datuk Dr Noor Hisham Abdullah எச்சரித்திருக்கின்றார்.

Coronavirus நோய் கிருமித் தொற்று சங்கிலியாக தொடருவதை தடுக்கவே, அரசாங்கம் நடமாட்டக் கட்டுப்பாட்டு ஆணை விதித்துள்ளது.

ஆனால், பொது மக்களில் பலர் இன்னமும் அந்த ஆணைக்கான அவசியத்தை உணராமல், அவர்கள் இஷ்டத்திற்கு வீட்டை விட்டு வெளியே பரவலாக நடமாடி வருவது வருத்தமளிப்பதாக பிரதமர் Tan Sri Muhyiddin Yassin கூறியிருந்தார்.

பிரதமர் Tan Sri Muhyiddin Yassin

நேற்றிரவு நாட்டு மக்களுக்கு வழங்கிய சிறப்பு செய்தியில், தயவு செய்து வீட்டிலேயே இருக்குமாறும் Tan Sri Muhyiddin மக்களை கேட்டுக் கொண்டார்.

ஒருவேளை, அரசாங்கத்தின் இந்த 14 நாட்கள் நடமாட்டக் கட்டுப்பாடு பலனளிக்கவில்லை என்றால் அக்கால அவகாசம் நீட்டிக்கப்படலாம் என்றும் பிரதமர் எச்சரித்தார்.

இவ்வேளையில், பிரதமரின் இக்கோரிக்கையை ஆதரித்து சமூக வலைத்தளவாசிகள் பல்வேறு hashtag-குகளை இணையத்தில் trending செய்து வருகின்றனர்.

தற்போது Twitter-ரில், #StayAtHome, #KitaJagaKita, #KamiCare, #DudukRumah ஆகியவை பரவலாகப் பகிரப்படுகின்றன.

நாட்டில் நேற்று புதிதாக 117 Covid-19 சம்பவங்கள் பதிவாகின; இதையடுத்து மொத்த எண்ணிக்கை 790 ஆக உயர்ந்தது.

சிலாங்கூர் காவல் துறையின் அதிரடி சோதனை தொடங்கியது: 

பொது மக்களில் பலர் முக்கிய காரணங்கள் இன்றி இன்னமும் இஷ்டம்போல் வெளியே நடமாடிக் கொண்டிருக்கின்றனர்.

இதையடுத்து சிலாங்கூரில் மக்களின் வெளிநடமாட்டங்களை கட்டுப்படுத்த காவல் துறை நேற்றிரவு தொடங்கி அதிரடி சோதனையை தொடக்கியிருக்கின்றது.

புகைப்படம்: சிலாங்கூர் காவல் துறை 
 

சாலை தடுப்புச் சோதனைகள் போடுவது, வீடமைப்பு மற்றும் வியாபாரப் பகுதிகளை சோதிப்பது அதிலடங்கும்.

நேற்றிரவு காரணமின்றி வெளியே சுற்றிக் கொண்டும், அரட்டை அடித்துக் கொண்டும் இருந்தவர்களை அதிகாரிகள் எச்சரித்து, வீட்டிற்கு அனுப்பி வைத்தனர்.

PTPTN சலுகை: 

Coronavirus காரணமாக ஏற்படக்கூடிய நிதிச்சுமையை கருத்தில் கொண்டு,  PTPTN கடனை திருப்பிச் செலுத்துவதை 3 மாதங்களுக்கு ஒத்தி வைக்கலாம் என அந்த தேசிய உயர்கல்வி நிதிக்கழகம் கூறியிருக்கின்றது.