← Back to list

Covid-19: Twitter-ரில் trending ஆன #lockdown!

Mar 16, 2020

மலேசியாவில் ஒரே நாளில் ஆக அதிகமாக நேற்று மட்டும் 190 Covid-19 சம்பவங்கள் பதிவாகின.

இதையடுத்து தென்கிழக்காசியாவில் மிக அதிகமான Coronavirus சம்பவங்களை பதிவுச் செய்த நாடாக மலேசியா திகழ்கின்றது.

நாட்டில் உறுதிப்படுத்தப்பட்ட Corona சம்பவங்கள் எண்ணிக்கை 428 ஆகும்; இதுவரை 42 பேர் முழுமையாக குணமடைந்துள்ளனர்.

இந்த ஆகக் கடைசி நிலவரத்தை அடுத்து, அவசர நடவடிக்கையாக பிரதமர் இன்று சிறப்பு கூட்டத்திற்கு தலைமையேற்கின்றார்.

நேற்றைய அப்புதிய சம்பவங்களில் பெரும்பாலானவை KL Sri Petaling-கில் உள்ள பள்ளிவாசலில் சமய நிகழ்வில் பங்கேற்றவர்களை உட்படுத்தியது என தெரிய வந்துள்ளது.

அந்நிகழ்வில் பங்கேற்ற மேலும் பலரை தாங்கள் அடையாளம் கண்டு வருவதாக சுகாதார அமைச்சர் Datuk Seri Dr Adham Baba தெரிவித்தார்.

Twitter-ரில் பரபரப்பான #lockdown: 

Covid-19 சம்பவங்கள் ஒரே நாளில் எக்கச்சக்கமாக அதிகரித்ததை அடுத்து, உள்ளூர் சமூகத்தளவாசிகள் lockdown என்ற hashtag-கை trending செய்து பரபரப்பை கூட்டினர்.

இந்நிலையில், twitter-ரில் பகிரப்பட்டு வரும் lockdown குறித்த உத்தரவு தங்களுடையது அல்ல என்பதை சுகாதார அமைச்சு தெளிவுப்படுத்தியிருக்கின்றது.

Corona கிருமித் தொற்றை கையாள lockdown என்ற வார்த்தையை பயன்படுத்துவது அவ்வளவு உகந்ததாக இல்லை என்றும் அது கூறியது.

அந்த வார்த்தைப் பயன்பாடு, பொது மக்கள் மத்தியில் தேவையில்லாத பதற்றத்தை தான் உருவாக்கும் என அமைச்சு தெரிவித்தது.

பினாங்கு இந்து அறக்கட்டளை வாரியத்தின் ஆலோசனை: 

மற்றொரு நிலவரத்தில், பினாங்கிலுள்ள இந்து ஆலயங்கள், பேரளவிலான ஒன்றுக்கூடுதல்களை ஒத்தி வைக்குமாறு பினாங்கு இந்து அறக்கட்டளை வாரியம் வலியுறுத்தியிருக்கின்றது.

Coronavirus பரவலை கட்டுப்படுத்த உரிய நடவடிக்கைகளை எடுக்குமாறு, அவ்வாரியம் பக்தர்களை கேட்டுக் கொண்டிருக்கிறது.

இதனிடையே, தலைநகர் Brickfields-சில் மார்ச் 22ஆம் தேதி தொடங்கவிருந்த ஸ்ரீ கந்தசுவாமி ஆலய மகா கும்பாபிஷேகம் ஒத்தி வைக்கப்பட்டுள்ளது.

50-க்கும் மேற்பட்டவர்களை உட்படுத்திய பொது ஒன்றுக்கூடுதல்களை தவிர்க்குமாறு இதற்கு முன் சுகாதார அமைச்சு பொது மக்களை அறிவுறுத்தியிருந்தது குறிப்பிடத்தக்கது.