← Back to list

வருகையாளர்களின் எண்ணிக்கை கட்டுப்படுத்தப்பட்டுள்ளது!

Mar 15, 2020

Covid-19 பரவலைத் தொடர்ந்து சுகாதார அமைச்சு நோயாளிகளைக் காணச் செல்லும் வருகையாளர்களின் எண்ணிக்கையைக் கட்டுப்படுத்தியுள்ளது.

ஒரு நேரத்தில் இருவர் மட்டுமே நோயாளிகளைக் காணச் செல்ல முடியும்.

அதே சமயம் 12 வயதுக்குக் கீழ்பட்ட சிறார்கள் மருத்துவமனைகளுக்குச் செல்ல அனுமதியில்லை.

அதோடு தொண்டை வலி, இருமல், காய்ச்சல், வாந்தி போன்ற உபாதைகளுக்கு ஆளானவர்களும் மருத்துவமனைகளுக்குச் செல்லக் கூடாது என அமைச்சு தெரிவித்தது.

நேற்று நாட்டில் 41 புதிய Covid-19 சம்பவங்கள் பதிவு செய்யப்பட்டன.

அதனை அடுத்து இதுவரை உறுதிப்படுத்தப்பட்ட சம்பவங்களின் எண்ணிக்கை 238 ஆக அதிகரித்துள்ளது.