← Back to list

Covid-19: ஆயிரத்து 317 புதிய சம்பவங்கள்!

Dec 14, 2020

நாட்டில் இன்று ஆயிரத்து 371 புதிய Covid-19 சம்பவங்கள் பதிவாகியிருக்கின்றன.

ஆயிரத்து 204 பேர் அத்தொற்றிலிருந்து பூரண குணமடைந்துள்ளனர்.

நான்கு புதிய மரணங்கள் பதிவாகி மரண எண்ணிக்கை 419ஆக உயர்ந்துள்ளது.

_____

சிலாங்கூர், Bestari Jayaவிலுள்ள கையுறை தொழிற்சாலை ஒன்று தனது ஊழியர்கள் 35 பேருக்கு Covid-19 தொற்றியிருப்பதை உறுதிப்படுத்தியுள்ளது.

அவர்கள் அனைவரும் மருத்துவமனையில் சிகிச்சை பெற்று வருவதாகவும், அவர்களுடன் நேரடி தொடர்பில் இருந்தவர்கள் கணறியப்பட்டு தனிமையில் வைக்கப்பட்டிருப்பதாகவும் அத்தொழிற்சாலை தெரிவித்தது.

_____

Covid-19 தொற்றினால் நேப்பாள பிரஜையான தனது பாதுகாவலர் ஒருவர் உயரிழந்திருப்பதை கிள்ளனில் உள்ள கையுறை தொழிற்சாலை ஒன்று உறுதிப்படுத்தியுள்ளது.

இவர் அத்தொற்றினால் உயிரிழந்த அத்தொழிற்சாலையின் முதல் ஊழியராவார்.

________

ஜொகூர், Tampoiயிலுள்ள வங்கியொன்றின் கதவின் இடிபாட்டில் பூனையொன்று மாட்டிக் கொண்டு இறந்த நிலையில் கண்டெடுக்கப்பட்ட விவகாரத்தை மலேசிய விலங்குகள் சங்கம் வன்மையாக கண்டித்துள்ளது.

பூனைகள் அதிக சத்தம் உள்ள இடங்களில் நிற்காது என்பதால், அக்கதவை இழுத்து மூடும் சத்தத்திற்கு அப்பூனை அங்கிருந்து சென்றிருக்கும்.

எனினும் இச்சம்பவத்தில் பூனையின் கழுத்தின் மேல் அந்த இரும்புக் கதவு இருப்பதை வைத்து பார்க்கும் போது, இது யாரொ வேண்டுமென்றே செய்த காரியம் என அச்சங்கம் கணித்துள்ளது.

இதற்குக் காரணமானவர்கள் மீது தக்க நடவடிக்கை எடுக்கப்படும் என தெரிவித்த அச்சங்கம், சம்பவத்தை நேரில் பார்த்தவர்கள் இருந்தால் முன்வந்து புகார் கொடுக்குமாறு கேட்டுக் கொண்டது.

________

2018ஆம் ஆண்டு முதல் சுமார் ஒன்றரை லட்சம் ரிங்கிட் கையூட்டு வாங்கி வந்ததாக, குடிநுழைவுத் துறையைச் சேர்ந்த இரு அதிகாரிகள் மீது இன்று கிளாந்தான், Kota Baru Sessions நீதிமன்றத்தில் குற்றம் சாட்டப்பட்டுள்ளது.