← Back to list

இன்று ஆயிரத்து 32 சம்பவங்கள் பதிவாகின!

Nov 04, 2020

நாட்டில் இன்று Covid-19 சம்பவங்களின் எண்ணிக்கை ஆயிரத்தைத் தாண்டியுள்ளது!

இன்று மட்டும் ஆயிரத்து 32 புதிய சம்பவங்கள் பதிவு செய்யப்பட்டுள்ளன.

820 பேர் Covid-19 தொற்றிலிருந்து பூரண குணமடைந்துள்ளனர்.

எட்டு புதிய மரணங்கள் பதிவான வேளை பலி எண்ணிக்கை 271ஆக அதிகரித்துள்ளது.

________

பினாங்கு, Barat Dayaவிலுள்ள MUKIM 12-சில் வரும் வெள்ளிகிழமை தொடங்கி நிபந்தனைக்குட்பட்ட நடமாட்டக் கட்டுப்பாட்டு ஆணை ஆமுலுக்கு வருகின்றது.

இதனிடையே சபா, Sandakan-னிலுள்ள கடுமையாக்கப்பட்ட நடமாட்டக் கட்டுப்பாட்டு ஆணை இன்று நள்ளிரவோடு முடிவடைகின்றது.

_________

மற்றொரு நிலவரத்தில் நாட்டில் மீட்சியை நோக்கிய நடமாட்டக் கட்டுப்பாட்டு ஆணையின் தர செயல்பாட்டு நடைமுறையின் SOPயை மீறியதற்காக 382 பேர் கைதாகியுள்ளனர்.

அவர்களில் 364 பேருக்குத் தண்டம் விதிக்கப்பட்டு, 18 பேர் தடுத்து வைக்கப்பட்டுள்ளனர்.

_____

குறிப்பிட்ட ஊழியர் சேமநிதி வாரிய சந்தாதாரர்கள் மட்டும் தங்களின் முதல் EPF கணக்கிலிருந்து பணம் எடுக்க அனுமதிப்பு குறித்து அரசாங்கம் பரிசிலிக்கத் தயார்!

இது குறித்து நிதியமைச்சுடன் கலந்து பேசப்பட்ட பிறகு, உண்மையிலேயே பண உதவி தேவைப்படுபவர்களுக்கு அந்த அனுமதியை வழங்குவது பற்றி தமது தரப்பு ஆராய தயாராக இருப்பதாக பிரதமர் Tan Sri Muhyiddin Yassin தெரிவித்துள்ளார்.

_______

இவ்வாண்டு தொடக்கத்திலிருந்து கடந்த அக்டோபர் மாதம் வரை, 13 லட்சத்துக்கும் அதிகமான சந்தேகப்படும்படியான prepaid முன்கட்டண இணைப்புகளை தொடர்பு மற்றும் பல்லூடக அமைச்சு கண்டறிந்துள்ளது.

அவற்றுள் ஒன்பது லட்சத்துக்கும் அதிகமான இணைப்புகளின் சேவை முடக்கப்பட்டு, நான்கு லட்சத்துக்கும் அதிகமான இணைப்புகள் சரியான தகவல்களோடு புதுப்பிக்கப்பட்டிருப்பதாகவும் அமைச்சர் Datuk Saifuddin Abdullah தெரிவித்தார்.