← Back to list

Pokok Sena சிறைச் சாலையில் EMCO நீட்டிப்பு!

Oct 23, 2020

நாட்டில் மேலும் பத்து பேர் Covid-19னுக்கு பலியாகியிருக்கின்றனர்.

அதனை அடுத்து மொத்த மரண எண்ணிக்கை 214 ஆக அதிகரித்துள்ளது.

புதிதாக 710 சம்பவங்கள் பதிவு செய்யப்பட்டுள்ளன.

அவற்றில் 709 உள்நாட்டில் பரவியவை.

மேலும் 467 பேர் அக்கிருமித் தொற்றில் இருந்து மீண்டுள்ளனர்.

கெடாவில், Pokok Sena சிறைச் சாலையில் ஏற்கனவே கடுமையாக்கப்பட்டிருந்த நடமாட்டக் கட்டுப்பாட்டு ஆணை மேலும் இரு வாரங்களுக்கு நீட்டிக்கப்படுகிறது.

அங்கு EMCO நவம்பர் 7 ஆம் தேதி வரை அமலில் இருக்கும்.

அச்சிறைச் சாலையில் உள்ள கைதிகள், பணியாளர்கள் ஆகியோரை உட்படுத்திய Covid-19 சம்பவங்கள் இன்னும் இருப்பதால், அம்முடிவு எடுக்கப்பட்டுள்ளதாக பாதுகாப்பு விவகாரங்களுக்கான மூத்த அமைச்சர் தெரிவித்தார்.

மீட்சியை நோக்கிய நடமாட்டக் கட்டுப்பாட்டு ஆணையை மீறியதற்காக நேற்று நாடு முழுவதும் 639  பேர் கைது செய்யப்பட்டனர்.

அவர்களில் 634 பேருக்குத் தண்டம் விதிக்கப்பட்டது.

நால்வர் தடுத்து வைக்கப்பட்டனர்.

நெகிரி செம்பிலானில் எல்லா பள்ளிகளையும் மூட எண்ணமில்லை.

சுகாதார அதிகாரிகளின் ஆலோசனையின் பேரிலேயே நடவடிக்கை எடுக்கப்படும் என மாநில அரசு தெரிவித்தது.

Covid-19 தொற்று உறுதிச் செய்யப்பட்டதால், நெகிரி செம்பிலானில் இதுவரை மூன்று பள்ளிகள் மட்டுமே மூடப்பட்டிருக்கின்றன. 

Virtual எனும் மெய்நிகர் வாயிலாக மக்களவைக் கூட்டத்தை நடத்த முடியாது.

அது நாடாளுமன்ற விதிமுறைகளில் ஒன்று என மக்களவை சபாநாயகர் கூறியிருக்கிறார்.

பல விதிமுறைகளையும் சட்டங்களையும் திருத்தம் செய்ய வேண்டும் என்பதால் மெய்நிகர் மூலம் கூட்டம் நடத்த இயலாது என Datuk Azhar Azizan Harun சொன்னார்.

நவம்பர் 2 ஆம் தேதியில் இருந்து டிசம்பர் 15 ஆம் தேதி வரை அடுத்த மக்களவைக் கூட்டம் நடைபெறத் திட்டமிடப்பட்டுள்ளது குறிப்பிடத்தக்கது.

இன்று நள்ளிரவு முதல் RON95 மற்றும் RON97 பெட்ரோல் விலை தலா 4 சென் சரிகிறது.

RON95 லிட்டருக்கு ஒரு ரிங்கிட் 64 சென்னுக்கும் RON97 ஒரு ரிங்கிட் 94 சென்னுக்கும் விற்கப்படும்.

டீசல் விலையில் மாற்றமில்லை.

அது லிட்டருக்கு ஒரு ரிங்கிட் 74 சென்னாகவே இருக்கும்.