← Back to list

Covid-19: வரலாற்றில் முதல் முறையாக இன்று!

Oct 02, 2020

நாட்டில் Covid-19 பரவல் தொடங்கியதில் இருந்து மிக உயரிய எண்ணிக்கையாக புதிதாக 287 சம்பவங்கள் பதிவாகியுள்ளன.

அனைத்து 287 சம்பவங்களும் உள்நாட்டில் பரவியவை.

கெடாவில் மிக அதிகமாக 129 சம்பவங்கள் அடையாளம் காணப்பட்டுள்ளன.

சபாவில் 113 சம்பவங்களும் சிலாங்கூரில் 31 சம்பவங்களும் பதிவாகியுள்ளன.

மரண எண்ணிக்கையில் மாற்றமில்லை; மொத்த மரண எண்ணிக்கை 136 ஆகவே இருக்கிறது.

இவ்வேளையில் சிலாங்கூரில் Hulu Selangorரிலும் Gombakக்கிலும் புதிய clusterகள் கண்டறியப்பட்டுள்ளன. 

----- 

சிலாங்கூர், கிள்ளானில் Covid-19 பரவலைக் கட்டுப்படுத்த உரிய நடவடிக்கைகள் எடுக்கப்பட்டு வருகின்றன.

இடைநிலைப்பள்ளியொன்றில் இரு மாணவர்களுக்கு Covid-19 பீடித்திருப்பதால், பெற்றோர் தங்களது பிள்ளைகளை பள்ளிகளுக்கு அனுப்பத் தயங்கி வருவதாக அவர் கூறினார்.

எனவே பள்ளிகள் குறிப்பாக கிள்ளானில் உள்ள பள்ளிகளைத் தற்காலிகமாக மூடக் கேட்டுக் கொள்ளும் கடிதத்தைத் தாம் கல்வியமைச்சுக்கு அனுப்பவிருப்பதாக Charles Santiago குறிப்பிட்டார். 

----- 

இதனிடையே, பள்ளிகளில் Covid-19 பரவலைத் தடுக்க சம்பந்தப்பட்ட தரப்புகள் உரிய நடவடிக்கை எடுக்க வேண்டும் என தேசிய ஆசிரியர் பணியாளர் சங்கம் வலியுறுத்தியிருக்கிறது. 

அதோடு ஆசியர்களும், பாதுகாப்பு வழிகாட்டிகளையும் SOPயையும் தொடர்ந்து பின்பற்றி வர வேண்டும் என NUTP கேட்டுக் கொண்டது.  

----- 

சபா சட்டமன்றத் தேர்தலுக்குப் பிறகு நாட்டில் Covid-19 சம்பவங்கள் கணிசமாக உயர்ந்து வருவது, SOPயின் அமலாக்கம் கடுமையாக இல்லை என்பதைக் காட்டுகின்றது!

இந்நிலையானது பெருத்த ஏமாற்றம் அளிப்பதாக Kuantan Prihatin அமைப்பின் செயற்குழு உறுப்பினர் நந்தகுமார் கதிர்வேலு கூறுகின்றார்.

SOPயைப் பின்பற்றுவதில் காட்டப்படும் அலட்சியம், நாட்டு மக்களையே பாதிப்பதைச் சுட்டிக்காட்டி நந்தகுமார் அவ்வாறு சாடினார்.

நேற்று மட்டும் நாட்டில் 260 புதிய சம்பவங்கள் பதிவானது குறிப்பிடத்தக்கது.

----- 

கடந்த வாரம் நடைபெற்ற சபா சட்ட மன்றத் தேர்தலின் போது பணியில் ஈடுபடுத்தப்பட்ட 750க்கும் அதிகமான காவல் துறை அதிகாரிகளும் வீரர்களும் தனிமைப்படுத்தப்பட்டுள்ளதாக Bukit Aman தெரிவித்திருக்கிறது.

அவர்களில் சுமார் 250 பேர் தீபகற்பத்தில் இருந்து சென்றவர்கள் என்றும் அவர்கள் தஹ்ங்கும் விடுதியொன்றில் தனிமைப்படுத்தி வைக்கப்பட்டிருப்பதாகவும் அது கூறியது.

----- 

நாளை தொடங்கி RON95, RON97 பெட் ரோல் விலை தலா 3 சென் அதிகரித்து முறையே லிட்டருக்கு ஒரு ரிங்கிட் 71 சென்னுக்கும் இரண்டு ரிங்கிட் ஒரு சென்னுக்கும் விற்கப்படும்.

டீசல் ஒரு சென் சரிந்து லிட்டருக்கு ஒரு ரிங்கிட் 70 சென்னாகிறது.