← Back to list

Covid-19: இன்று புதிதாக 101 சம்பவங்கள்!

Sep 29, 2020

Covid-19 தொடர்பில் நாட்டில் புதிதாக 101 சம்பவங்கள் பதிவு செய்யப்பட்டுள்ளன.

அவற்றில் 97 உள்நாட்டில் பரவியவை.

சபாவில் மிக அதிகமாக 73 சம்பவங்கள் பதிவாகியுள்ளன; சிலாங்கூரில் 15 சம்பவங்கள் அடையாளம் காணப்பட்டுள்ளன.

சபாவில் இரண்டு, சிலாங்கூரிலும் ஜொகூரிலும் தலா ஒன்று என நான்கு புதிய clusterகள் கண்டறியப்பட்டுள்ளன.

புதிதாக மரணம் ஏதும் இல்லை என்பதால் மரண எண்ணிக்கை 134 ஆகவே உள்ளது.

----- 

கெடா மாநில சட்ட மன்ற சபாநாயகர் இன்று முதல் 14 நாட்களுக்குத் தம்மைத் தாமே தனிமைப்படுத்துக் கொள்ள உத்தரவிடப்பட்டுள்ளார்.

அண்மையில் கலந்து கொண்ட அதிகாரப்பூர்வ நிகழ்வொன்றில் Covid-19 தொற்று உறுதிச் செய்யப்பட்ட நபருடன் அவர் நெருங்கிய தொடர்பில் இருந்ததே அதற்குக் காரணம். 

----- 

மீட்சியை நோக்கிய நடமாட்டக் கட்டுப்பாட்டு ஆணையை மீறியதற்காக நாடு முழுவதும் நேற்று 82 பேர் கைது செய்யப்பட்டனர்.

அவர்களில் 75 பேருக்குத் தண்டம் விதிக்கப்பட்டது. 

----- 

கூடிய விரைவில் சட்ட மன்றத்தைக் கலைப்பதில்லை என்ற முடிவில் உறுதியாக இருப்பதாக நெகிரி செம்பிலான் மாநில அரசு தெரிவித்திருக்கிறது.

----- 

KL, Bandar Tasik Selatanனில் கட்டுமானத் தளத்திற்கு அருகே ஓடிய காரின் மீது concrete சுவர் ஒன்று விழுந்த சம்பவம் தொடர்பான முழு விசாரணை அறிக்கைக்காகக் காத்திருக்க வேண்டியிருப்பதாக பொதுப்பணி அமைச்சு கூறியிருக்கிறது.

அந்த விசாரணை அறிக்கையைப் பெற இதுவரை கால அவகாசம் ஏதும் நிர்ணயிக்கப்படவில்லை; விசாரணை முழுமை பெற்றதும் உரிய நடவடிக்கை எடுக்கப்படும்.

----- 

பஹாங், Temerlohவில் வாகனமோட்டி காரில் எண்ணெய் நிரப்பிக் கொண்டிருந்த போது அதனைத் திருடிச் சென்ற ஆடவர் சம்பவம் நிகழ்ந்த 12 மணி நேரத்திற்குள் கைது செய்யப்பட்டார்.

சிலாங்கூர், Subang Jayaவில் கைது செய்யப்பட்ட அந்த ஆடவர், குற்றப்பதிவுகளைக் கொண்டுள்ளவர் என காவல் துறை தெரிவித்துள்ளது.