← Back to list

RMCO நீட்டிக்கப்பட வேண்டும்-MMA!

Aug 23, 2020

வருகின்ற 31ஆம் தேதி முடிவடையவுள்ள மீட்சியுறும் நடமாட்டக் கட்டுப்பாட்டு ஆணை நீட்டிக்கப்பட வேண்டும்!

நாட்டில் Covid-19 பெருந்தொற்று முடிவடைவதற்கான எந்த அறிகுறிகளும் இன்னும் தென்படவில்லை என்பதால் RMCO நீட்டிக்கப்பட வேண்டும் என மலேசிய மருத்துவர்கள் சங்கம் அரசாங்கத்தைக் கேட்டுக் கொண்டுள்ளது.

அண்மைய காலமாக நாட்டில் சில புதிய Cluster சம்பவங்கள் பதிவாகி வருவதையும் MMA சுட்டிக்காட்டியது.

SOPக்களை மேலும் கடுமையாக்கினால் தான் பொது மக்கள் அதனைப் பின்பற்றுவர் என்றும் அச்சங்கம் The Starரிடம் கூறியுள்ளது.

_______

நாட்டில் நேற்று புதிதாக எட்டு Covid-19 சம்பவங்கள் பதிவு செய்யப்பட்டுள்ளன.

அதில் ஐந்து உள்நாட்டில் பரவியதாகும்.

இதையடுத்து நாட்டில் ஏற்பட்டுள்ள மொத்த சம்பவங்களின் எண்ணிக்கை ஒன்பதாயிருத்து இருநூராக உள்ளது.

_______

நடமாட்டக் கட்டுப்பாட்டு ஆணையின் SOPக்களை மீறியதற்காக நேற்று மட்டும் நாட்டில் சுமார் 75 பேருக்கு அபராதம் விதிக்கப்பட்டுள்ளது.

11 பேர் தடுத்து வைக்கப்பட்டுள்ளதாக தற்காப்பு அமைச்சு தெரிவித்தது.

தனிமனித இடைவெளியைப் பின்பற்றத் தவறிய 53 பேர் மீது சட்ட நடவடிக்கை எடுக்கப்பட்டுள்ளதாகவும் அமைச்சு தெரிவித்தது.

________

Covid-19 பெருந்தொற்று முற்றாகக் குறைய இன்னும் குறைந்தது ஈராண்டுகள் தேவைப்படலாம்.

அதற்கு தடுப்பூசியுடன் உலக மக்களின் முழு ஒத்துழைப்பும் கண்டிப்பாக தேவை என உலக சுகாதார நிறுவனம் தெரிவித்துள்ளது.

______

இந்தியாவில் நேற்று மட்டும் 69 ஆயிரத்துக்கும் அதிகமான Covid-19 சம்பவங்கள் பதிவாகியிருப்பதை அடுத்து, 30 லட்சம் மொத்த சம்பவங்களுடன் ஆக அதிகமாக அந்நோய் கிருமியால் பாதிக்கப்பட்ட மூன்றாவது நாடாக அது திகழ்கிறது.

நடப்பில் அமெரிக்காவும் Brazilலும் முதல் இரு இடங்களில் உள்ளன.

________