← Back to list

நாளை முதல் சுவாசக் கவசம் கட்டாயம்!

Jul 31, 2020

நாளை முதல் நெரிசலான பொது இடங்களில் சுவாசக் கவசம் அணியத் தவறும் தரப்புகள் மீது கொஞ்சம் கூட அணுசரணைக் காட்டப் படாது!

அவர்கள் ஆயிரம் ரிங்கிட் விதிக்கப்படலாம் என்பதில் எந்த மாற்றமும் இல்லை என பிரதமர் துறை அமைச்சு எச்சரித்துள்ளது.

செளகரியமாக இருக்காது என்றாலும், சுவாசக் கவசம் அணிவது நம் உயிரைக் காப்பாற்றும் என்பதை அனைவரும் புரிந்து கொள்ள வேண்டும் என அமைச்சு வலியுறுத்தியது.

பொது மக்களின் மெத்தன போக்கு காரணமாக நாளை முதல், நாடெங்கிலும், பொது போக்குவரத்துகளிலும், நெரிசலான பொது இடங்களிலும் சுவாசக் கவசம் அணிவதை அரசாங்கம் கட்டாயமாக்குகின்றது.

______

சபாவில், நேற்று ஆரம்பப்பள்ளியைச் சேர்ந்த இரு வெவ்வேறு மாணவர்களுக்கு Covid-19 தொற்று உறுதிச் செய்யப்பட்டதை அடுத்து, அங்கு புதிய Cluster சம்பவம் ஏதும் பதிவாகவில்லை என சுகாதாரத் துறை தலைமை இயக்குனர் Datuk Dr Noor Hisham Abdullah தெரிவித்துள்ளார்.

அவ்விரண்டு புதிய சம்பவங்களும் Clusterராக வகைப்படுத்தப்படாது என அவர் தெளிவுபடுத்தினார்.

இதனிடையே கெடா, சிவகங்கா Cluster சம்பவத்தை அடுத்து, அங்குள்ள பாலர் பள்ளிகள் உட்பட எந்த பள்ளிகளையும் மூட வேண்டிய அவசியம் இல்லை என Dr Hisham தெரிவித்தார்.

_______

இதனிடையே ஹஜ் பெருநாளை கொண்டாடுவோர் புதிய வழமையை ஒரு போதும் மறந்து விடக் கூடாது என Dr Hisham மேலும் வலியுறுத்தினார்.

விதிக்கப்பட்ட SOPக்களை பின்பற்றுவதில் அதிக கவனம் செலுத்துமாறு அவர் கேட்டுக் கொண்டார்.

நேற்று மட்டும் நாட்டில் எட்டு புதிய Covid-19 சம்பவங்கள் பதிவாகின; ஐவர் பூரண நலமடைந்து வீடு திரும்பியதாக சுகாதார அமைச்சு தெரிவித்தது.

______

மற்றொரு நிலவரத்தில் SOPக்கள் முறையாகப் பின்பற்றப்படுவதை உறுதிச் செய்யும் வண்ணம் நாட்டிலுள்ள எல்லா பொது இடங்களையும் காவல் துறை அணுக்கமாகக் கண்காணிக்கும்.

இன்று ஹஜ் பெருநாள் கொண்டாடப்படுகின்ற நிலையில், பள்ளிவாசல்கள், வீடமைப்புப் பகுதிகளும் கண்காணிக்கப்படும்.

_____

Covid-19 தொற்று காரணமாக வருகின்ற ஆகஸ்டு மூன்றாம் தேதி தொடங்கி Pos Malaysia அனைத்துலக அஞ்சல் விநியோகங்களை முடக்குகின்றது!

Coronavirus காரணமாக பல்வேறு சேவைகள் பாதிக்கப்பட்டுள்ளதால் தற்காலிகமாக இவ்வாறு செய்யப்படுவதாக அந்நிறுவனம் அறிக்கை ஒன்றின் வழி தெரிவித்துள்ளது.

______

இந்தியாவில் அண்மைய காலமாக Covid-19 சம்பவங்கள் அளவுக்கதிமாக பரவி வந்த நிலையில், தற்போது அதன் எண்ணிக்கை குறைந்து வருவதாக தகவல் வெளிவந்துள்ளது.

இனி வரும் காலங்களில் அத்தொற்று எண்ணிக்கை படிப்படியாகக் குறையும் என சுகாதார துறையினர் நம்பிக்கைத் ததெரிவித்துள்ளனர்.

_______