← Back to list

இந்தியாவில் பாதுகாப்பாக இருக்கின்றனர் நம் மலேசிய மாணவர்கள்!

Jul 21, 2020

தற்போதைய நிலவரப்படி இந்தியாவில் 288 மலேசிய மாணவர்கள் இருக்கின்றனர்.

சென்னையில் மட்டும் 37 மாணவர்களும், கர்நாடகாவில் ஆக அதிகமாக 253 மாணவர்களும் இருப்பதாக தென்னிந்தியாவுக்கான மலேசிய பேராளரகத்தின் தலைவர் K. சரவணன் தெரிவித்துள்ளார்.

படிப்பு இன்னும் முடியாத மாணவர்கள் இணையம் வாயிலாக வகுப்புகளை மேற்கொள்வதாக சரவணன் மேலும் தெரிவித்தார்.

இந்தியாவில் பயிலும் மலேசிய மாணவர்கள் அனைவரும் பாதுகாப்பாக இருப்பதாகவும் அவர் ராகா செய்தி பிரிவிடம் சொன்னார்.

அங்குள்ள மலேசிய மாணவர்கள் யாருக்கும் Covid-19 தொற்று பீடிக்கவில்லை என்பதை தெரிவித்த K. சரவணன், அவர்களின் பாதுகாப்பு எவ்வாறு உறுதிச் செய்யப்படுகின்றது என்பது குறித்து நம்மிடம் பேசினார்.

எனவே பெற்றோர்கள் தங்கள் பிள்ளைகளை எண்ணி கவலைக் கொள்ள வேண்டாம் என்றும் மாணவர்களுக்கு ஏதேனும் உதவிகள் தேவைப்படும் போது, தமது தரப்பு தக்க உதவிகளைப் புரிந்து வருவதாகவும் அவர் தெரிவித்தார்.

இதனிடையே கடந்த மார்ச் முதல் இதுவரை ஏறத்தாழ மூவாயிரத்திற்கும் அதிகமான மலேசியர்கள் தாயகம் கொண்டு வரப்பட்ட தகவலையும் சரவணன் சொன்னார்.
இந்தியாவில் இருக்கும் மலேசிய மாணவர்களுக்கு அங்குள்ள மலேசிய தூதரகம் தக்க உதவிகளை செய்து வருகின்றது.

தங்கள் பிள்ளைகள் நாடு திரும்ப வேண்டும் என விரும்புகின்ற பெற்றோர், தூதரகத்தைத் தொடர்பு கொண்டு உதவி கோரலாம் என்றும் சரவணன் மேலும் சொன்னார்.

இந்தியாவில் Covid-19 தொற்று எண்ணிக்கை 11 லட்சத்தைத் தாண்டியுள்ள நிலையில், அங்குள்ள மலேசிய மாணவர்களின் பாதுகாப்பு குறித்து சரவணன் அத்தகவல்களை நம்மோடு பகிர்ந்து கொண்டார்.

இது குறித்து சரவணனின் நேர்காணல் அடங்கிய Podcast-டைக் கேட்க கீழ் குறிப்பிடப்பட்டுள்ள இணைப்பை Click செய்யவும்:

player.whooshkaa.com/episode?id=701362