← Back to list

மீண்டும் ஓரிலக்க எண்!

Jul 06, 2020

நாட்டில் புதிதாகப் பதிவாகியுள்ள Covid-19 சம்பவங்களின் எண்ணிக்கை மீண்டும் ஓரிலக்க எண்ணிக்குத் திரும்பியிருக்கிறது.

நேற்று புதிதாக ஐந்து சம்பவங்கள் அடையாளம் காணப்பட்டன.

அதனை அடுத்து இதுவரை பதிவான மொத்த சம்பவங்களின் எண்ணிக்கை எண்ணாயிரத்து 663 ஆக அதிகரித்தது.

மேலும் நான்கு பேர் பூரண குணமடைந்துள்ளர்.

மரண எண்ணிக்கை 121 ஆகவே இருக்கிறது.

இரு Cluster சம்பவங்கள் முடிவுக்கு வந்துள்ளதாக சுகாதாரத் தலைமை இயக்குனர் தெரிவித்தார்.

அவை Gombak மற்றும் Cherasசில் கண்டறியப்பட்டவை என அவர் சொன்னார்.

நடமாட்டக் கட்டுப்பாட்டு ஆணையின் போது ஆவணப்படுத்தப்படாத புலம் பெயர்ந்தவர்களுக்கு எதிராக மலேசியா பாகுபாடு காட்டி நடந்து கொண்டதாகக் கூறி அனைத்துலக தொலைக்காட்சி நிறுவனமொன்று வெளியிட்ட செய்தியை அரசாங்கம் மறுத்துள்ளது.

அத்தகவல் உண்மையில்லை.

Covid-19 பரவலைக் கட்டுப்படுத்துவதில் மும்முரம் காட்டிய மலேசிய அரசு உள்நாட்டினரா வெளிநாட்டினரா என்று பாகுபாடு காட்டாமல்தான் நடந்து கொண்டதாக சுகாதார அமைச்சு தெளிவுபடுத்தியது.   

இந்தியா, Agraவில் Covid-19 சம்பவங்களின் எண்ணிக்கை அதிகரித்து வருவதை அடுத்து, உலகப் புகழ்பெற்றச் சின்னமான தாஜ்மகாலை மீண்டும் திறப்பது ஒத்தி வைக்கப்பட்டுள்ளது.

கடும் தர செயல்பாட்டு நடைமுறை SOPயின் கீழ் தாஜ்மகாலை இன்று மீண்டும் திறக்க முன்னதாகத் திட்டமிடப்பட்டிருந்தது.

பிற செய்திகள்....

கெடா, Balingங்கில் ரம்புத்தான் பழம் தொண்டையில் சிக்கி மூன்று வயது சிறுவன் உயிரிழந்தான்; அச்சம்பவம் திடீர் மரணமாக வகைப்படுத்தப்பட்டுள்ளது.

-----

கிளந்தான், Bachokக்கில் மீன்பிடி படகு நீரில் மூழ்கியதில் காணாமல் போன கடைசி எட்டாவது நபரின் சடலம் மீட்கப்பட்டுள்ளது.

-----

பினாங்கில் கடந்த மூன்று ஆண்டுகளாகத் தமது மகளையும் மாற்றான் மகளையும் பாலியல் வல்லுறவுக்கு உட்படுத்தி வந்ததாக நம்பப்படும் ஆடவர் ஒரு வாரத்திற்குத் தடுத்து வைக்கப்பட்டுள்ளார்.