← Back to list

Covid-19 நிதிக்காகப் பணம் கேட்ட ஆடவர் கைது!

Jun 19, 2020

சரவாக்கில் Covid-19 பீடித்திருப்பது உறுதிப்படுத்தப்பட்ட பின் தப்பியோடிய இந்தோனேசியத் தம்பதியர் பிடிபட்டுள்ளனர்.

அவ்விருவரும் சுகாதார அமைச்சிடம் ஒப்படைக்கப்பட்டு விட்டனர்.

அவர்களுக்கு தற்போது மருத்துவமனையில் சிகிச்சையளிக்கப்பட்டு வருவதாகக் காவல் துறை தெரிவித்தது.

கட்டுமானத் தளத்தில் வேலை செய்து வந்ததாக நம்பப்படும் அவ்விருவரையும் தேடும் நடவடிக்கை கடந்த இரு தினங்களுக்கு முன் தொடக்கப்பட்டது.

ஜொகூரில் Covid-19 நிதிக்காக எனக் கூறி பணம் கேட்டு பெற்று வந்த வேலையில்லா ஆடவர் ஒருவர் கைது செய்யப்பட்டுள்ளார்.

அந்நிய நாட்டவர்களை வேலைக்கு அமர்த்தியிருந்த வணிகர் ஒருவரிடம் இருந்து அந்நபர் 350 ரிங்கிட் கேட்டதாக நம்பப்படுகிறது.

அதோடு பணம் கொடுக்கவில்லை என்றால், அந்நிய நாட்டவர்களை வேலைக்கு அமர்த்தியிருக்கும் தகவலைத் தாம் அதிகாரிகளிடம் தெரியப்படுத்தப் போவதாக அவ்வாடவர் மருட்டியதும் தெரிய வந்துள்ளது.

பேரா மாநிலத்தில், சிகை திருத்தும் மற்றும் சிகையலங்கார நிலையங்கள் சேவைக் கட்டணத்தை ஒரு ரிங்கிட்டிலிருந்து 3 ரிங்கிட் வரை மட்டுமே உயர்த்த அனுமதி அளிக்கப்பட்டுள்ளது.

அதனை மீறுவோருக்கு எதிராக சட்ட நடவடிக்கை எடுக்கப்படலாம்.

அதோடு 5 லட்சம் ரிங்கிட் வரை அபராதமும் விதிக்கப்படலாம் என மாநில அரசு எச்சரித்துள்ளது.

உலகம் முழுவதும் Covid-19 பெருந்தொற்றுக்குப் பலியானவர்களின் எண்ணிக்கை 4 லட்சத்து 51 ஆயிரத்தைத் தாண்டியுள்ளது. 

கடந்த 24 மணி நேரத்தில் புதிதாக 2 லட்சம் சம்பவங்கள் பதிவு செய்யப்பட்டுள்ளதாக Johns Hopkins Universityயின் புள்ளி விவரம் காட்டுகிறது. 

அமெரிக்காவில் மிக அதிகமாக ஒரு லட்சத்து 18 ஆயிரம் பேர் பலியாகியிருக்கின்றனர். 

Brazil, பிரிட்டன் ஆகியவை அடுத்தடுத்த இடங்களில் உள்ளன. 

அமெரிக்காவில் New Yorkக்கில் இருந்து Dallas சென்ற விமானத்தில் இருந்த பயணி ஒருவர் சுவாசக் கவசம் அணியாததால் விமானத்தில் இருந்து வெளியேற உத்தரவிடப்பட்டார். 

விமானப் பயணத்தின் போது பயணிகள் சுவாசக் கவசம் அணிவது கட்டாயமில்லை.

ஆயினும் விமான நிறுவனங்கள் அதனைக் கட்டாயமாக்கி அமல்படுத்த அனுமதி கொடுக்கப்பட்டுள்ளது.

தொகுப்பு : சுகந்தமலர் முனியாண்டி