← Back to list

RON 95-க்காக எண்பட்டையை மாற்றிய சிங்கப்பூரியர் !

Jan 14, 2026

ஜொகூரில், வாகன எண்பட்டையைப் மாற்றியமைத்து, தனது வாகனத்துக்கு ரோன் 95 பொட்ரோலை நிரப்பிய சிங்கப்பூரியருக்கு, ஒன்பதாயிரம் ரிங்கிட் அபராதம் விதிக்கப்பட்டுள்ளது !  

64 வயதான அந்நபர், தனது கார் எண்பட்டையில் சில எழுத்துகளை மறைத்து, வாகனத்தை மலேசிய வாகனமாக காட்ட முயன்றதாக குற்றத்தை ஒப்புக்கொண்டார்.  

அவரது செயல் கேமராவில் பதிவாகி, பின்னர் அந்த காட்சி சமூக ஊடகங்களில் பரவலாகியது. 

--------- 

இதனிடையே, நாடு முழுவதும், குறிப்பாக எல்லைப் பகுதிகளில் உள்ள பெட்ரோல் நிலையங்களை, அதிகாரிகள் தீவிரமாக கண்காணித்து வருகின்றனர் !  

வெளிநாட்டில் பதிவு செய்யப்பட்ட வாகனங்கள், RON95 பெட்ரோலை நிரப்பும் சில சம்பவங்கள் நிகழ்ந்து வருவதை அடுத்து, உள்நாட்டு, வாணிப வாழ்க்கைச் செலவீன அமைச்சு, அந்நடவடிக்கையை பலப்படுத்தியது. 

விதிமுறைகளை மீறும் வெளிநாட்டு வாகனங்களை புகாரளிக்கும் பொதுமக்களுக்கு, KPDN நன்றியையும் தெரிவித்தது. 

---------- 

தமிழ்ப்பள்ளிகளில், புதிய பள்ளித் தவணையில் ஒன்றாம் ஆண்டு மாணவர்களின் எண்ணிக்கை குறைந்திருப்பது ஏமாற்றமளிப்பதாக, ம.இ.கா துணைத் தலைவர் Datuk Seri M.சரவணன் தெரிவித்துள்ளார் !  

கடந்தாண்டு ஒன்றாம் ஆண்டு மாணவர் சேர்க்கை எண்ணிக்கை, 11-ஆயிரமாக இருந்த நிலையில், அவ்வெண்ணிக்கை நேற்று முன்தினம் தொடங்கிய புதிய பள்ளி தவணையில், 10-ஆயிரத்து 300-ஆகக்  குறைந்தது. 

--------- 

மலேசிய தொடர்பு, பல்லூடக ஆணையம், அடுத்த வாரம் X நிறுவனத்துடன் சந்திப்பு நடத்த திட்டமிட்டுள்ளது ! 

அந்த நிறுவனத்தின் Grok என்ற செயற்கை நுண்ணறிவை, சிலர் தவறாக பயன்படுத்தி, பெண்கள் மற்றும் சிறார்களை ஆபாசமாக சித்தரிப்பதே அதற்குக் காரணம். 

--------- 

ஜொகூரில், வளாகமொன்றில் Jalur Gemilang தேசியக் கொடி தலைக்கீழாக பறக்கவிடப்பட்ட சம்பவத்தில் தொடர்புடைய சீன நாட்டு ஆடவர் குறித்த விசாரணை அறிக்கை, மேலதிக அறிவுறுத்தல்களுக்காக, அரச தரப்பு வழக்கறிஞரிடம் சமர்ப்பிக்கப்பட்டுள்ளது !