← Back to list

நிறைய பேருக்கு 15-555 எண் அவசியமாகியது !

Jan 06, 2026

நாட்டின் தேசிய மனநல அவசர உதவி எண்ணான, HEAL 15-555 என்ற எண் செயல்படத் தொடங்கியதிலிருந்து, கிட்டத்தட்ட 1 லட்சத்து 64 ஆயிரம் அழைப்புகள் பெறப்பட்டுள்ளதாக, சுகாதார அமைச்சு தெரிவித்துள்ளது ! 

Utusan Malaysia தகவலின்படி,  மலேசியர்கள் தினமும் சுமார் 80 அழைப்புகளை, இந்த எண்ணுக்கு மேற்கொள்கின்றனர். 

மனநல தேவைகள் அதிகரித்திருப்பதும், மக்கள் உதவி கேட்கும் நம்பிக்கை வலுப்பெற்றிருப்பதும் தான், அந்த எண்ணிக்கை உயர்வுக்குக் காரணமாகும். 

--------- 

மற்றொரு நிலவரத்தில், இவ்வாண்டுக்குள் வேப்புகளை முற்றிலுமாக தடை செய்ய, சுகாதார அமைச்சு திட்டமிட்டுள்ளது ! 

இந்தத் தடை, முதலில் open pod system வகை வேப்புகளிலிருந்து தொடங்கப்படும். 

இவ்வகை வேப்புகள், செயற்கை போதைப்பொருட்கள் பயன்படுத்துவதற்காக, தவறாக பயன்படுத்தப்படுவதே அதற்குக் காரணம். 

---------- 

அரசாங்கம் அறிவித்த தமிழ்ப்பள்ளிகளுக்கான 50 மில்லியன் ரிங்கிட் ஒதுக்கீட்டை, தேசிய ஒருமைப்பாட்டு துணை அமைச்சர் R.யுனேஸ்வரன் வரவேற்றுள்ளார் ! 

நாட்டு மக்களை முன்னேற்றும் அரசாங்கத்தின் நடவடிக்கையாக இது அமைவதாக, அமைச்சர் வர்ணித்தார். 

--------- 

தேசிய இருதயக் கழகத்தில் அனுமதிக்கப்பட்டுள்ள Tun Dr Mahathir Mohamad-டின் உடல்நிலை குறித்து, அவரது அலுவலகம் விரைவில் அறிக்கை வெளியிடும் என எதிர்பார்க்கப்படுகிறது ! 

இன்று காலை தனது வீட்டில் விழுந்த அவர், IJN-னுக்குக் கொண்டு செல்லப்பட்டார். 

--------- 

பினாங்கு Sungai Bakap-பில், ஒருவர் உயிரிழக்கக் காரணமான கத்திக் குத்து சம்பவம் தொடர்பில் கைதான இருவரின் தடுப்புக் காவல், அடுத்த வார திங்கட்கிழமை வரை நீட்டிக்கப்பட்டுள்ளது !