← Back to list

தைப்பூசத்தில், மதுபானத்துக்கு தடை !

Jan 05, 2026

ஜனவரி 13-ஆம் தேதி, பள்ளி தொடக்க நிதியுதவியாக, மாணவர்களுக்கு 150 ரிங்கிட் வழங்கப்படுகிறது.  

படிவம் 6 வரையிலான பள்ளி மாணவர்கள், அந்நிதியைப் பெறுவர் என பிரதமர் தெரிவித்துள்ளார். 

அதே வேளை, சீனப் புத்தாண்டு மற்றும் நோன்பு மாதத்திற்கு தயாராக ஏதுவாக, 100 ரிங்கிட் சாரா உதவித் தொகை வழங்கப்படுகிறது. 

அடுத்த மாதம் 9-ஆம் தேதி முதல், 18 வயதுக்கு மேற்பட்ட, 22 மில்லியன் மலேசியர்கள், அதனை பெற்று பயனடைவர்.

மாதாந்திர சாரா உதவித்தொகை, ஜனவரி 9-ஆம் தேதி முதல் படிப்படியாக வழங்கப்படும். 

2026-ஆம் ஆண்டுக்கான முதல் கட்ட STR உதவி நிதி, ஜனவரி 20-ஆம் தேதி முதல் வழங்கப்படுகிறது.

------------ 

பேராக்கில் மின் சிகரேட்டுக்கான விற்பனையை நிறுத்த, அதன்  விற்பனையாளர்களுக்கு அக்டோபர் வரை கால அவகாசம் வழங்கப்பட்டுள்ளது !

அதன் விற்பனையாளர்கள், அத்தடைக்கு தயாராக ஏதுவாக அந்த கால அவகாசம் வழங்கப்பட்டுள்ளதாக, மாநில ஆட்சிக் குழு உறுப்பினர் டத்தோ A. சிவநேசன் தெரிவித்துள்ளார்.

கடந்தாண்டுஆக்டோபர் 1-ஆம் தேதி, அனைத்து வணிக வளாகங்களிலும் மின் சிகரெட்டுகள் மற்றும் வேப் விற்பனைக்கு, தடை விதிக்கப்படும் என மாநில அரசு அறிவித்திருந்தது. 

கெடா, பெர்லிஸ் உட்பட, சில மாநிலங்களும் அத்தடைக்கு இணங்கியுள்ளன. 

------------ 

தைப்பூச விழாவின் போது மதுபான விற்பனைக்கு, சிலாங்கூர் அரசு இவ்வாண்டும் தடை விதிக்கிறது !

மாநில ஆட்சிக்குழு உறுப்பினர் V.பாப்பாராய்டு அவ்வாறு கூறினார். 

பத்துமலை மட்டுமில்லாமால், அம்மாநிலத்தில் தைப்பூசம் கொண்டாடப்படும் அனைத்து இடங்களிலும் இந்த தடை அமலில் இருக்கும். 

பக்தர்கள், அனைத்து விதிமுறைகளையும் பின்பற்றி நடக்க வேண்டும் என பாப்பாராயுடு கேட்டுக்கொண்டார். 

------------ 

இவ்வேளையில், பத்துமலை தைப்பூச விழாவை முன்னிட்டு சிலாங்கூர் மாநிலத்தில் உள்ள 50 ஆலயங்களுக்கு, மானியம் வழங்கப்படும் என V.பாப்பாராய்டு தெரிவித்துள்ளார் !

அந்த ஆலயங்களுக்கு, குறைந்தது 4 லட்சம் ரிங்கிட் மானியம் வழங்கப்படும் என அவர் கூறினார். 

தைப்பூசத் திருவிழா, அடுத்த மாதம் பிப்ரவரி 1-ஆம் தேதி கொண்டாடப்படுகிறது. 

----------- 

சிலாங்கூர் பந்திங்கில், உணவகத்தில் ஒருவர் உயிரிழக்கக் காரணமான துப்பாக்கிச் சூட்டுச் சம்பவத்தை நடத்திய சந்தேக நபரை, காவல்துறை தேடி வருகிறது !