← Back to list

இவ்வாண்டு பள்ளிச் சீருடையில் மாற்றமில்லை !

Jan 03, 2026

பள்ளிச் சீருடைகளை ஒரே மாதிரியாக்கும் திட்டம், நன்கு ஆய்வு செய்யப்பட்ட பின்னரே இறுதி முடிவு எடுக்கப்படும் என கல்வி இயக்குநர் தெரிவித்துள்ளார் !

அதன் பின்னரே, அடுத்தாண்டு அது நாடளவில் அமலாக்கம் காணும் என அவர் கூறினார். 

முன்னதாக, பள்ளி மாணவர்களின் சீருடை நிறங்களில் வேறுபாடு இருக்கும் நிலையில், ஆண்டு மத்தியில் பள்ளி மாறும் மாணவர்கள் பள்ளிச் சீருடையை வாங்க சிரமப்படுவதால், அந்நடவடிக்கை எடுக்கப்படுவதாக அறிவிக்கப்பட்டிருந்தது.

----------- 

பினாங்கு Sungai Bakap உணவகத்தில், ஒருவர் உயிரிழக்கக் காரணமான தாக்குதல் சம்பவம் தொடர்பில், மேலும் இருவர் கைதாகி, ஒரு வாரத்திற்கு தடுத்து வைக்கப்பட்டுள்ளனர் ! 

கடந்த செவ்வாய்கிழமை, பாதிக்கப்பட்டவர், ஆயுதம் ஏந்திய மர்ம நபர்களால் தாக்கப்பட்டு உயிரிழந்த வேளை, மேலும் இருவர் காயமடைந்தனர்.

----------- 

மலாக்கா Klebang-கில், புத்தாண்டு வரவேற்பு கொண்டாட்டத்தின் போது, தெருக்களில் குப்பை வீசியதற்காக, ஐவருக்கு சமூக சேவை தண்டனை விதிக்கப்பட்டுள்ளது ! 

ஜனவரி 1-ஆம் தேதி முதல், இத்தண்டனை பல மாநிலங்களில் அமுலில் இருந்து வருகிறது.

----------- 

ஜொகூர் பாருவில், ஓடிக் கொண்டிருந்த காரை நோக்கி, பாதசாரி ஒருவர் வேகமாக ஓடிச் சென்ற சம்பவத்தை காவல்துறை விசாரித்து வருகிறது ! 

அதன் தொடர்பான காட்சிகள் அடங்கிய காணொலி, சமூக ஊடகங்களில் பரவியது.

----------- 

சிலாங்கூர் காஜாங்கில் Sungai Long டோல் சாவடியில், மரக்கட்டையைக் கொண்டு வன்முறையாக நடந்துகொண்டதாகக் கூறப்படும் இருவரை, காவல்துறை வலைவீசி தேடி வருகிறது !