← Back to list

பிள்ளைகளை பாதுகாப்பதில், பெற்றோர்கள் பங்கு உண்டு !

Jan 02, 2026

தீங்கு விளைவிக்கும் இணைய உள்ளடக்கத்திலிருந்து குழந்தைகளைப் பாதுகாப்பாக வைத்திருப்பதில், பெற்றோர்கள் இன்னும் முக்கிய பங்கு வகிக்க வேண்டும் ! 

UPM நிபுணர் ஒருவர் அவ்வாறு கூறியுள்ளார். 

நடைமுறைக்கு வந்திருக்கும் புதிய இணைய பாதுகாப்புச் சட்டம், குறிப்பாக, குழந்தைகளை குறிவைத்து உருவாக்கப்படும் தவறான, தீங்கு விளைவிக்கும் உள்ளடக்கங்களை தடுக்கவல்லதாகும். 

ஆனால், டிஜிட்டல் தளங்களில் குழந்தைகளுக்கு தங்களைத் தாங்களே பாதுகாக்க தேவையான அறிவாற்றல் மற்றும் உணர்ச்சி முதிர்ச்சி இல்லாததால், பெற்றோரின் வழிகாட்டுதல் இன்றியமையாதது என அவர் குறிப்பிட்டார்.  

----------- 

கண்ட கண்ட இடங்களில் குப்பை வீசுவோருக்கு, நேற்று முதல் ஈராயிரம் ரிங்கிட் அபராதத்துடன் கூடிய சமூக சேவை தண்டனை விதிக்கப்பட்டு வருகிறது.

இந்நிலையில், அந்த சமூக சேவை தண்டனையானது சாலையை பெருக்குதல், கால்வாயைக் கழுவுதல், பொது கழிவறையைக் கழுவுதல் ஆகிய வேலைகளை ் உட்படுத்தியிருக்கும் என வீடமைப்பு - ஊராட்சித் துறை அமைச்சர் Nga Kor Ming தெரிவித்துள்ளார்.

இந்த தண்டனை, வெளிநாட்டினர், சிறுவர்கள் பாராமால், குற்றம் புரியும் அனைவருக்கும் விதிக்கப்படும், என்றாரவர்.

---------- 

மூன்று மாதங்களுக்கு முன்பு, அப்போதைய KL டாங் வாங்கி காவல்துறை  தலைவரை காயப்படுத்திய குற்றச்சாட்டில், 16 வயது பையன் நீதிமன்றத்தில் நிறுத்தப்பட்டுள்ளான் ! 

Kampung சுங்கை பாருவில், குடியிருப்பாளர்களை வெளியேற்ற நீதிமன்றம் உத்தரவிட்டதை எதிர்த்து நடந்த போராட்டத்தின் போது, அந்த காவல்துறை தலைவர் தாக்கப்பட்டார்.

அப்போராட்டம் தொடர்பில் குற்றச்சாட்டுகளை எதிர்கொண்ட 8 பேரில், அப்பையனும் ஒருவனாவான்.

---------- 

கோலாலம்பூர் செராசில், மது போதையில 21 வயது பெண்ணை மானபங்கம் செய்ததாகக் கூறப்படும் ஆடவன், கைதாகி, நான்கு நாட்களுக்குத் தடுத்து வைக்கப்பட்டுள்ளான்.

--------- 

2026 புத்தாண்டு வரவேற்புக் கொண்டாட்டங்களின் போது, Rapid KL மற்றும் Rapid Penang ரயில் மற்றும் பேருந்து சேவைகளை, என்றும் இல்லாத அளவுக்கு 15 லட்சம் பயணிகள் பயன்படுத்தியதாக, Prasarana தெரிவித்துள்ளது !