← Back to list

தையுண்ட பெண், காணாமல் போனவரா ?

Dec 24, 2025

சிலாங்கூர் அம்பாங்கில், கடந்த மாத தொடக்கத்தில் காணாமல் போனதாகக் கூறப்பட்ட பெண் கண்டுபிடிக்கப்பட்டுள்ளார் ! 

கடந்த வியாழக்கிழமை, Negeri Sembilan Rembau-வில், வீட்டுக்குப் பின்னால், பையில் அடைத்து புதைக்கப்பட்ட நிலையில் கண்டெடுக்கப்பட்ட பெண் தான் அவர் என்பது உறுதியாகியுள்ளது.

அதன் தொடர்பில் இருவர் கைதாகினர். 

நிதி தொடர்பான தகராறினால், அப்பெண் கொல்லப்பட்டிருக்கலாம் என காவல்துறை தெரிவித்தது. 

---------- 

கோவிட்-19 தொற்றுநோய்க்கு முன்பு பணியாற்றிய முன்னாள்  அமைச்சர் ஒருவர் மீது சுமத்தப்பட்டதாகக் கூறப்படும் மோசடி குற்றச்சாட்டு குறித்து, MACC விசாரணையைத் தொடங்கியுள்ளது !

இந்த வழக்கில்,  அதிக மதிப்புள்ள அரசு நிலத்தை, ஒரு சொத்து மேம்பாட்டாளருக்கு மாற்றியது தொடர்பானதாகக் கூறப்படுகிறது. 

--------- 

சமூக நலத்துறை,  அதிகாரப்பூர்வ மூத்த குடிமக்கள் அட்டையை தயாரிப்பதாக சமூக ஊடகங்களில் வெளியான தகவல்கள் போலியானவையே ! 

அவ்வாறான போலி தகவல்களைப் பரப்பி, பொதுமக்களைக் குழப்பத்தில் ஆழ்த்த வேண்டாம் என அத்துறை கேட்டுக்கொண்டுள்ளது.

---------- 

நாளை முதல் டிசம்பர் 29-ஆம் தேதி வரை பெய்யவுள்ள பருவமழை காலத்தில், அதிகப்படியான மழை பெய்யும் அபாயம் இல்லை !  

அக்காலகட்டத்தில், திரங்கானு, பஹாங் மற்றும் ஜொகூரின் கிழக்குப் பகுதிகளில், மழை சாதாரண பருவமழை அளவிலேயே இருக்கும் என எதிர்பார்க்கப்படுவதாக, மலேசிய வானிலை ஆய்வு மையம் தெரிவித்துள்ளது.  

--------- 

ஜொகூர் Yong Peng அருகே, விரைவு பேருந்து, லாரியின்  பின்னால் மோதி விபத்துக்குள்ளானதில், 14 பயணிகள் உயிர் தப்பினர் ! 

பின்னர் அப்பயணிகள் வேறு பேருந்தில், தங்களின்  பயணத்தை தொடர்ந்தனர்.