← Back to list

கிறிஸ்துமஸ் நாளில் மழை !

Dec 23, 2025

கிறிஸ்துமஸ் தினத்தன்று மக்கள் கனமழையை எதிர்கொள்ள நேரிடலாம் !

அன்றைய நாளில் பெரும்பாலான மாநிலங்களில் காலை வேளை, வானிலை நன்றாக இருக்கும் எனவும், மாலை வேளையில், இடியுடன் கூடிய கனமழை பெய்யலாம் எனவும், மலேசிய வானிலை ஆய்வு மையம் தெரிவித்துள்ளது. 

பேராக், கிளாந்தான் மற்றும் திரங்கானுவில், காலை, மாலை, இரவு என, மூன்று வேளைகளிலும், கனமழை பெய்யுமென, அத்துறை கணித்துள்ளது. 

---------- 

இதனிடையே, சிலாங்கூர், Negeri Sembilan உட்பட சில மாநிலங்களில் கனமழை எச்சரிக்கை விடுக்கப்பட்டுள்ளது ! 

அம்மாநிலங்களின் பெரும்பாலான பகுதிகளில், இன்றிரவு 7 மணி வரை, இடியுடன் கூடிய கனமழை பெய்யும் என Met Malaysia கணித்துள்ளது. 

-----------   

மதியிறுக்கம் கொண்ட Zayn Rayyan-னை புறக்கணித்த குற்றச்சாட்டில், அவனது தாய் தொடர்ந்து ஐந்தாண்டுகள், சிறை வாசம் பிடிக்கின்றார் ! 

அத்தண்டனையை நிறுத்தி வைக்க கோரி அவர் செய்த மேல்முறையீட்டை, உயர்நீதிமன்றம் நிராகரித்துவிட்டது. 

--------- 

எஞ்சியுள்ள சிறைத்தண்டனையை வீட்டிலேயே அனுபவிக்க Datuk Seri Najib Razak-கின் மனுவை, கோலாலம்பூர் உயர் நீதிமன்றம் நிராகரித்ததை அடுத்து, அனைத்துத் தரப்பினரும் அமைதி காக்க வேண்டும் என பிரதமர் Datuk Seri Anwar Ibrahim கேட்டுக்கொண்டுள்ளார் ! 

தீர்ப்பின் மீது மக்களுக்கு மாறுபட்ட கருத்துக்கள் இருப்பது பரவாயில்லை, ஆனால் இப்படிப்பட்ட சூழலில், பதற்றத்தை அதிகரித்து, நிலைமையை மோசமாக்குவது சரியானதல்ல என Datuk Seri Anwar, தனது முகநூல் பக்கத்தில் தெரிவித்தார்.  

-----------   

இன்று காலை உலகளாவிய பயணிகள் செயலாக்க அமைப்பில் ஏற்பட்ட கோளாறால் சில சிக்கல்கள் ஏற்பட்டிருந்த நிலையில், தற்போது, மலேசிய விமான நிலையங்களில் பதிவு மற்றும் விமானம் ஏறும் செயல்முறைகள்  இயல்பு நிலைக்குத் திரும்பியுள்ளன !