← Back to list

நெடுஞ்சாலைகளில் வாகன அதிகரிப்பு !

Dec 19, 2025

ஆண்டிறுதி மற்றும் பண்டிகைக் காலகட்டத்தில், முக்கிய நெடுஞ்சாலைகளில் ஒரு நாளைக்கு 26 லட்சம் வாகனங்கள் பயணிக்கலாம் என எதிர்பார்க்கப்படுகிறது ! 

அதில் PLUS நெடுஞ்சாலைகளில் பயணிக்கும் 22 லட்சம் வாகனங்களும் அடங்கும் என மலேசிய நெடுஞ்சாலை வாரியம் தெரிவித்துள்ளது. 

எனவே, போக்குவரத்து சீராக இருக்க, தேவையான முன்னேற்பாட்டு நடவடிக்கைகளை மேற்கொள்ளும்படி, அவ்வாரியம் , அனைத்து நெடுஞ்சாலை பராமரிப்பு நிறுவனங்களையும் கேட்டுக்கொண்டுள்ளது. 

PLUS நெடுஞ்சாலைகளில், 30 இடங்களில் smart lane பாதைகளைத் திறந்துவிடுவதும் அந்நடவடிக்கைகளில் அடங்கும். 

----------   

இதனிடையே, கிறிஸ்துமஸ் பண்டிகையை முன்னிட்டு, அரசாங்கம் அறிவித்துள்ள 50 விழுக்காட்டு டோல் கட்டண கழிவை, மலேசிய நெடுஞ்சாலை வாரியம் வரவேற்றுள்ளது !  

இம்மாதம் 23 மற்றும் 24-ஆம் தேதிகளில், எல்லை நுழைவாயில்களைத் தவிர, அனைத்து டோல் சாவடிகளிலும், சாலை பயனர்கள் அந்த சலுகையை அனுபவிக்கலாம்.  

--------- 

பஹாங்கில் ஏற்பட்டிருக்கும் வெள்ளத்தை, அம்மாநில அரசு கண்காணித்து வருகின்றது ! 

பாதிக்கப்படுபவர்களின் எண்ணிக்கை அதிகரித்து வந்தாலும், நிலைமை கட்டுப்பாட்டில் இருப்பதாக முன்னதாக அது தெரிவித்திருந்தது. 

பஹாங்கில் 12-ஆயிரத்துக்கும் மேற்பட்டோர் வெள்ளத்தால் பாதிக்கப்பட்டுள்ளனர்.

இவ்வேளையில், திரங்கானுவில் 525 பேரும், ஜொகூரில் 350 பேரும், கிளந்தானில் 77 பேரும், வெள்ள நிவாரண மையங்களில் அடைக்கலம்  நாடியுள்ளனர். 

---------- 

Negeri Sembilan-னில் வீட்டின் பின்புறம் புதைக்கப்பட்ட பையில் ஒரு பெண்ணின் சடலம் கண்டெடுக்கப்பட்ட சம்பவம் தொடர்பில், ஆடவர் ஒருவர் ஒரு வாரத்திற்கு தடுத்து வைக்கப்பட்டுள்ளார் !