← Back to list

வெள்ளத்தால் நாடு மீண்டும் பாதிப்பு !

Dec 17, 2025

நாட்டில் மீண்டும் வெள்ளத்தால் பாதிக்கப்படுபவர்களின் எண்ணிக்கை அதிகரித்து வருகிறது ! 

மஹாங்கில் மட்டும் நான்காயிரத்துக்கும் அதிகமானோர், வெள்ள நிவாரண மையங்களில் தஞ்சம் புகுந்துள்ளனர். 

திடீர் வெள்ளம் காரணமாக, Kuantan–Pekan-க்கு இடையிலான பாதையும் மூடப்பட்டுள்ளது. 

குவாந்தான், பெக்கான் மற்றும் ரொம்பினில், நாளை வரை மோசமான தொடர்மழை பெய்யலாம் என Met Malaysia தெரிவித்துள்ளது. 

இவ்வேளையில், ஜொகூரில் 240 பேர் வெள்ளத்தால் பாதிக்கப்பட்டுள்ள வேளை, திரங்கானுவில் 100-க்கும் அதிகமானோர், PPS மையங்களில் அடைக்கலம் பெற்றுள்ளனர். 

---------   

இதனிடையே, கெடா, பெர்லிஸ், சபா, சர்வாக் மற்றும் லபுவானில் கனமழை எச்சரிக்கை விடுக்கப்பட்டுள்ளது ! 

அம்மநிலங்களில் இன்றிரவு 7 மணி வரை, இடியுடன் கூடிய கனமழை பெய்யும் என Met Malaysia கணித்துள்ளது.

------------   

ஆண்டிறுதி விடுமுறை மற்றும் கிறிஸ்துமஸ் பண்டிகையை முன்னிட்டு, PLUS நெடுஞ்சாலைகளில் ஒரு நாளைக்கு 22 லட்சம் வாகனங்கள் பயணிக்கலாம் ! 

இவ்வார வெள்ளிக்கிழமை தொடங்கி, வாகனங்களின் எண்ணிக்கை உயரலாம் என PLUS சொன்னது.

---------- 

புதிய அமைச்சர்கள் மற்றும் துணை அமைச்சர்களின் பதவியேற்ற நிகழ்வுக்குப் பிறகு, பிரதமர் Datuk Seri Anwar Ibrahim, முதல் அமைச்சரவை கூட்டத்தை நடத்தியுள்ளார் ! 

இன்று காலை மாட்சிமை தங்கிய மாமன்னர் Sultan Ibrahim முன்னிலையில் பதவி உறுதிமொழி எடுத்துக்கொண்டவர்களில்,  மனிதவள அமைச்சராக பதவியேற்ற டத்தோ ஸ்ரீ ரமணன் ராமகிருஷ்ணனும், தேசிய ஒருமைப்பாட்டுத் துறை துணையமைச்சராக பதவியேற்ற யுனேஸ்வரனும் அடங்குவர். 

---------  

ஆஸ்திரேலியா போண்டாய் கடற்கரையில் நிகழ்ந்த துப்பாக்கிச் சூட்டுத் தாக்குதலில், காவல்துறையினரால் சுட்டுக் கொல்லப்பட்ட, ஹைதராபாத்தைச் சேர்ந்த நபரின் தீவிரவாத சிந்தனை குறித்து, அவரது குடும்பத்தினர் அறியவில்லை என இந்திய காவல்துறை தெரிவித்துள்ளது ! 

முன்னதாக அந்நபர் ஹைதராபாத்தைச் சேர்ந்தவர் என்றும், இந்திய கடப்பிதழை வைத்திருந்ததாகவும், காவல்துறை கூறியிருந்தது. 

இவ்வேளையில், அந்நபருடன் அத்தாக்குதலை சேர்த்து நடத்திய அவரது 24 வயது மகன் மீது, 15 கொலைக் குற்றச்சாட்டுகள் உட்பட, கிட்டத்தட்ட 60 குற்றவியல் குற்றச்சாட்டுகள் சுமத்தப்பட்டுள்ளன !  

அச்சம்பவத்தில், குறைந்தது 15 பேர் கொல்லப்பட்ட வேளை, பலர் காயமடைந்தனர்.