← Back to list

5G பதிவிறக்க வேகம் குறையவில்லை !

Dec 16, 2025

5G பதிவிறக்கச் செயல்பாட்டின் வேகம் குறைந்துள்ளதாகக் கூறப்படுவதை, தகவல் தொடர்பு பல்லூடக ஆணையம் மறுத்துள்ளது ! 

வலையமைப்பின் அதிவேக விரிவாக்கம் மற்றும் அதிக பயனர்கள் காரணத்தினால் ஏற்பட்ட  இயல்பான மாற்றமே அது, என MCMC விளக்கியது. 

நடப்பில், பதிவிறக்க வேகம் வலுவாகவும், தேசிய இலக்குகளுக்கு ஏற்ப இருப்பதை காட்டும் தரவுகளையும் ஆணையம் மேற்கோள் காட்டியது. 

ஈராண்டுகளுக்கு முன்பு, பதிவிறக்கச் சேவை வேகமாக செயல்பட்டு வந்ததாகவும் தற்போது வேகம் பாதியாக குறைந்திருப்பதாகவும் அதனை சோதனையிட்ட நிறுவனம் ஒன்று, முன்னதாக அறிக்கையின் வழி தெரிவித்திருந்தது. 

-- 

மலாக்காவில் , மூன்று ஆடவர்கள் காவல் துறையால் சுட்டுக் கொல்லப்பட்ட சம்பவம் தொடர்பிலான அறிக்கை, மேல் கட்ட நடவடிக்கைக்காக இன்று சட்டத்துறை அலுவலகத்திடம் ஒப்படைக்கப்படும். 

மேலும்,  அவ்விசாரணை முழுமையாகவும் வெளிப்படையாகவும் நடத்தப்படும் என காவல் துறை உறுதியளித்துள்ளதாக பிரதமர் DSAI கூறினார். 

கடந்த மாதம், Durian Tunggal-ல் காவல் அதிகாரியைத் தாக்கியதாகக் கூறி மூன்று ஆடவர்கள் சுட்டுக் கொல்லப்பட்டனர். 

-- 

சிலாங்கூர், Kuala Langat-டில் ஓட்டுநர் ஒருவர் கட்டுப்பாட்டை இழந்து சாலையில் இருந்து விலகிச் சென்ற சம்பவம் குறித்து தகவல் கிடைத்திருப்பதாக காவல் துறை தெரீவித்துள்ளது. 

அவர் கார் இருக்கையின் அடியில் விழுந்த கைதொலைப்பேசியை எடுக்க முயற்சித்தபோதே அவ்விபத்து ஏற்பட்டதாக கூறப்படுகிறது. 

-- 

நாட்டில் தற்போது திரங்கானு மற்றும் சரவாக் மாநிலங்கள் வெள்ளத்தால் பாதிக்கப்பட்டுள்ளன. 

சமூக நலத் துறையின் ஆகக் கடைசி தகவல் படி, திரங்கானுவில், சுமார் 300 பேர் மற்றும் சரவாக்கில் நூூற்றுக்கும் குறைவானோர் துயர் துடைப்பு மையங்களில் தஞ்சம் புகுந்துள்ளனர். 

இதனிடையே, நாட்டில் வரும் வியாழக்கிழமை வரை கிளந்தான், திரெங்கானு, பஹாங் ஜொகூர், பேராக், சபா, சரவாக் மாநிலங்களுக்கு, மலேசிய வானிலை ஆய்வு துறை  தொடர்ச்சியான கனமழை எச்சரிக்கை விடுத்துள்ளது. 

-- 

உள்நாட்டு வருமான வாரியம் கடந்த மாதம் வரை 34 லட்சத்திற்கும் மேற்பட்ட விவகாரங்களுக்கு வரியைத் திருப்பிச் செலுத்தியுள்ளது 

அதன் மொத்த மதிப்பு 14.5 பில்லியன் ரிங்கிட் ஆகும்.