← Back to list

வெள்ளம் பயங்கரமாகலாம் !

Dec 15, 2025

இரண்டாம் கட்ட வெள்ள அலையை எதிர்கொள்ள, அரசாங்கம் தயார்நிலையில் உள்ளது ! 

இரண்டாம் கட்ட அலை இன்னும் பயங்கரமாக இருக்கலாம் என, துணைப் பிரதமர் Datuk Seri Ahmad Zahid Hamidi தெரிவித்துள்ளார். 

தற்போதைக்கு, வெள்ளம் ஏறும் அபாயமுள்ள பகுதிகளில் வசிப்பவர்களை முன்கூட்டியே தங்களின் இல்லங்களில் இருந்து வெளியேற்றுவதே முன்னுரிமையாக இருப்பதாக அவர் கூறினார். 

ஜொகூர், பேராக் உட்பட சில மாநிலங்களின் பெரும்பாலான பகுதிகளில், வியாழக்கிழமை வரை தொடர் கனத்த மழை பெய்யும் என, முன்னதாக மலேசிய வானிலை ஆய்வு மையம் எச்சரிக்கை விடுத்திருந்தது.

--------- 

மலாக்கா டுரியான் துங்கால் துப்பாக்கிச் சூட்டுச் சம்பவத்தில் கொல்லப்பட்ட மூவரின் குடும்பத்தினரைப் பிரதிநிதிக்கும் வழக்கறிஞருக்கு எதிராக, மிரட்டல் விடுத்ததாகக் கூறப்படும் ஒரு நபரின் சமூக ஊடக சுயவிவரம் குறித்து, MCMC-யின் அறிக்கைக்காக காவல்துறை காத்திருக்கிறது !

அம்மிரட்டல் குறித்து புகாரளித்தவர் உட்பட, சம்பந்தப்பட்ட நபர்களிடமிருந்து அத்துறை வாக்குமூலம் பெற்றுள்ளது. 

கடந்த மாத இறுதியில், 24 வயதில் இருந்து, 29 வயதான மூன்று ஆடவர்கள் சுட்டுக் கொல்லப்பட்டனர். 

----------  

கோலாலம்பூர் நகர்புறங்களில் சாலையோரத் தடுப்பான்கள் அமைத்திருப்பது, சாலைகளை அலங்கரிப்பதற்காக அல்ல ! 

மாறாக அவை அவ்வழியே செல்லும் பாதசாரிகளைப் பாதுகாப்பதற்காக என கோலாலம்பூர் மாநகர் மன்றம் தெரிவித்துள்ளது. 

சாலைகளைப் பயன்படுத்துவோர், பாதசாரிகளை மதித்து, நடைபாதைகளில் வாகனங்கள் மற்றும் மோட்டார்களை நிறுத்துவதைத் தவிர்க்க வேண்டும் என்றும் DBKL வலியுறுத்தியது.

-----------  

சிலாங்கூர் பத்துமலை பகுதியில் உள்ள இந்தியக் குடியிருப்பை பாதிக்கக்கூடும் மறுவளர்ச்சி திட்டம், அடுத்தாண்டு தைப்பூசத்துக்குப் பிறகு தொடங்கும் என மாநில Menteri Besar Datuk Seri Amirudin Shari தெரிவித்துள்ளார் ! 

இடம்பெயர வேண்டிய நிலை ஏற்படும் குடியிருப்போருக்கு, தற்காலிக வாடகை உதவி வழங்கும் வாய்ப்பும் பரிசீலிக்கப்பட்டு வருவதாக அவர் கூறினார். 

---------   

இவ்வாண்டு இதுவரை, நாட்டில் டெங்கி காய்ச்சல் காரணமான உயிரிழப்புகள், கடந்த ஆண்டை விட 61 விழுக்காடு குறைந்துள்ளதாக சுகாதார அமைச்சு தெரிவித்துள்ளது !