← Back to list

உடை காரணத்தால், புகாரளிக்க தடை வேண்டாம் !

Dec 12, 2025

உடை காரணமாக யாரும் காவல் புகார் அளிக்கப்படுவதில் இருந்து தடுக்கப்படக்கூடாது ! 

மகளிர், குடும்ப, சமூக மேம்பாட்டுத் துறை அமைச்சு அவ்வாறு தெரிவித்துள்ளது. 

பெண்களின் பாதுகாப்பும் மரியாதையும் உறுதிச் செய்ய, மனிதநேயத்துடன் மக்கள் சார்ந்த அமலாக்கம் தேவை என அவ்வமைச்சு குறிப்பிட்டது. 

அண்மையில், சாலை விபத்து குறித்து புகாரளிக்க வந்த பெண் ஒருவர், முறையற்ற ஆடை அணிந்திருந்ததால், காவல் தலைமையகத்திற்குள் நுழைய தடை விதிக்கப்பட்டதை அடுத்து, அமைச்சு அதனை கூறியது. 

அதைத் தொடர்ந்து, அனைத்து முன்னணி அரசு அலுவலகங்களுக்கு வருபவர்களின் ஆடைகள் குறித்த விதிமுறைகள் விரைவில் திருத்தம் செய்யப்படும் என முன்னதாக தெரிவிக்கப்பட்டிருந்தது. 

--------- 

குழந்தைகள் பாதுகாப்பு பிரச்சினைக்கு, Roblox போன்ற இணைய விளையாட்டுகளை தடை செய்வது, ஒரு சரியான தீர்வாக இருக்காது ! 

மாறாக, அவர்களின் பாதுகாப்பை உறுதிச்செய்ய, இணைய விளையாட்டுகளில் பாதுகாப்பு அம்சங்கள் சேர்க்கப்பட வேண்டும் என தொடர்புத் துறை அமைச்சு தெரிவித்துள்ளது. 

முன்னதாக, ஜொகூர் Batu Pahat-டில், Roblox விளையாட்டுத் தாக்கத்தால், அண்ணன், தம்பியை அடித்து காயப்படுத்தியதாகக் கூறப்பட்ட சம்பவம் நிகழ்ந்தது. 

---------- 

STPM மற்றும் matriculation திட்டத்தை, உயர்கல்வி அமைச்சின் கீழ் கொண்டுவருவதற்கான திட்டத்தை ஆய்வு செய்ய, அரசாங்கம் ஒரு சிறப்பு பணிக்குழுவை அமைக்கும் !  

இது நடைமுறைக்கு வந்தால், மாணவர்களின் மதிப்பீடு மற்றும் பல்கலைக்கழக சேர்க்கை பணிகள், மேலும் ஒருங்கிணைக்கப்பட்ட முறையில் நடைபெறும் என முன்னதாக அதிகாரிகள் தெரிவித்திருந்தனர்.  

-------- 

மற்றொரு பக்கம், ஆச்சே மற்றும் வடக்கு சுமத்ராவில் வெள்த்தால் பாதிக்கப்பட்ட, மலேசியாவில் உள்ள இந்தோனேசிய மாணவர்களுக்கு, 500 ரிங்கிட் நிதியுதவி வழங்கப்படவுள்ளது !  

----------- 

Negeri Sembilan Seremban-னில் நிகழ்ந்த, ஒருவர் உயிரிழக்கக் காரணமான துப்பாக்கிச் சூட்டு சம்பவம் தொடர்பில், மூவர் அடுத்த வார திங்கட்கிழமை வரை, தடுத்து வைக்கப்படுகின்றனர் ; அச்சம்பவத்தில் இன்னொருவர் காயமடைந்தார் !