← Back to list

அதிக சுமை கனரக வாகன சட்டம்; உடனடி அமல் தேவை !

Dec 11, 2025

அதிகம் எடையைக் கொண்டு செல்லும் கனரக வாகனங்களால், அதிகமான சாலை விபத்துகள் இன்னும் நிகழ்ந்து வருகின்றன ! 

அதனால், அந்த வாகனங்களுக்கு எதிரான சட்டங்கள், முழுமையாக விரைவில் அமலாக்கம் காண வேண்டும் என போக்குவரத்து அமைச்சு தெரிவித்துள்ளது. 

இவ்வாண்டு தொடங்கி, செப்டம்பர் வரை, பேருந்து, லாரிகளால் ஏற்பட்ட விபத்துகளில், 260 மரணங்கள் பதிவாகியுள்ளன. 

கடந்தாண்டு, 260 லாரிகள் மற்றும் 86 பேருந்துகளை உட்படுத்திய விபத்துகளில், 300-க்கும் மேற்பட்ட மரணங்கள் பதிவு செய்யப்பட்டன. 

--------- 

அரசாங்க அலுவலகங்களுக்கான ஆடை விதிமுறைகளில், சில தளர்வுகள் உள்ளன ! 

அவர்சநிலைகளில் வருபவர்கள், உடனடி உதவி பெறுவதில் இருந்து விலக்கப்படாமல் இருப்பதை உறுதிச் செய்ய, ஆடை விதிமுறைகளில் தளர்வு வழங்கலாம் என அரசாங்கத் தலைமை செயலாளர் தெரிவித்துள்ளார். 

குறிப்பாக, விபத்து, தீ, பேரழிவு போன்றவற்றைக் குறித்து புகாரளிக்க வருபவர்களிடம், ஆடை விதிமுறையில் கடுமையாக இருக்க வேண்டியதில்லையென அவர் கூறினார். 

முன்னதாக, மலாக்கா ஜாசினில், சாலை விபத்து குறித்து புகாரளிக்க வந்த பெண் ஒருவர், காவல் தலைமையகத்திற்குள் நுழைய தடை விதிக்கப்பட்டார்.  

-------- 

சிலாங்கூர், Negeri Sembilan உட்பட சில மாநிலங்களில், கனமழை எச்சரிக்கை விடுக்கப்பட்டுள்ளது ! 

அம்மாநிலங்களின் பெரும்பாலான பகுதிகளில், இன்று காலை 10 மணி வரை, இடியுடன் கூடிய கனமழை பெய்யலாம் என, மலேசிய வானிலை ஆய்வு மையம் தெரிவித்துள்ளது. 

---------  

கோலாலம்பூர் Mont Kiara-வில், நேற்றிரவு அடுக்குமாடி குடியிருப்புப் பகுதியின் 27-ஆவது மாடியில், தீச்சம்பவம் நிகழ்ந்துள்ளதில், ஒருவர் பாதிக்கப்பட்டுள்ளதாக தெரிவிக்கப்பட்டுள்ளது ! 

-------- 

ஜப்பானில், நேற்றிரவு மீண்டும் 5.7 ரிக்டர் அளவில் நிலநடுக்கம் ஏற்பட்டுள்ளதாக செய்திகள் வெளிவந்தன !