← Back to list

காவல் நிலைய உடை முறை திருத்தப்படும் !

Dec 10, 2025

காவல் நிலையத்திற்கு வருபவர்களின் ஆடைகள் குறித்த விதிமுறைகள் விரைவில் திருத்தம் செய்யப்படும் ! 

மற்ற முன்னணி அரசு அலுவலகங்களில் உள்ள ஆடை முறையும் திருத்தம் செய்யப்படும் என அரசாங்கப் பேசாளர் Datuk Fahmi Fadzil தெரிவித்துள்ளார். 

காவல் நிலையத்திற்கு புகாரளிக்க வரும் எவரும், தடுக்கப்படக்கூடாது என பிரதமர் உறுதியாகக் கூறியதை அடுத்து, அவர் அவ்வாறு கூறினார். 

முன்னதாக, மலாக்கா ஜாசினில், புகாரளிக்க வந்த ஒரு பெண், காவல் தலைமையகத்திற்குள் நுழைய தடை விதிக்கப்பட்டார். 

----------

மலாக்கா டுரியான் துங்காலில் மூவர் சுட்டுக் கொல்லப்பட்ட சம்பவம் தொடர்பில், புக்கிட் அமான் அவர்களின் குடும்ப உறுப்பினர்களிடமிருந்து வாக்குமூலம் பெற்றுள்ளது ! 

சந்தேக நபர்களில் ஒருவர் சுட்டுக்கொல்லப்படுவதற்கு முன், தனது மனைவியுடன் தொலைப்பேசியில் உரையாடிய Audio பதிவு பரவலாகி, பின்னர் அது புக்கிட் அமானிடம் ஒப்படைக்கப்பட்டது.  

---------- 

Negeri Sembilan Seremban-னில், இன்று காலை வாகனத்தில் பயணித்த இருவரை குறிவைத்து நடந்த துப்பாக்கிச் சூட்டில், ஒருவர் உயிரிழந்துள்ளார் ! 

மற்றொருவர் இன்னும் சிகிச்சை பெற்று வருகிறார் என தெரிவிக்கப்பட்டுள்ளது. 

--------- 

சாலைகள் இடிந்து விழுந்த பகுதிகளைச் சீரமைக்கும் பணிகளில், அனைத்து தர செயல்பாட்டு நடைமுறைகளும், முழுமையாகக் கடைப்பிடிக்கப்பட்டுள்ளதாக, பொதுப்பணித்துறை அமைச்சு தெரிவித்துள்ளது ! 

அண்மையில், திரங்கானுவில் ஒரு ஜோடி மரணமடையக் காரணமான பகுதியில் மேற்கொள்ளப்பட்ட பணிகளும், SOP-க்களைப் பின்பற்றி நடைபெற்றதாக அமைச்சு சொன்னது. 

--------- 

Kelana Jaya வழிதடத்திற்கான LRT ரயில் சேவை, பழுது பார்ப்பு பணிகள் நிறைவடைந்ததை அடுத்து, இன்று காலை மீண்டும் முழுமையாக வழக்க நிலைக்குத் திரும்பியுள்ளது !